Марина Мијаковска

Марина Мијаковска
Роден	8 јули 1984 Скопје, Македонија
Занимање	Поетеса, есеист и книжевен критичар.

Марина Мијаковска (8 јули 1984, Скопје, Македонија) е македонска поетеса, есеист и книжевен критичар.

Биографија

Во 2007 година Мијаковска дипломира на Филолошкиот факултет „Блаже Конески“, на Катедрата за општа и компаративна книжевност. Истата година посетува предавања од областа на родовите студии во истражувачкиот центар за родови студии „ЕвроБалкан“ Скопје.

Во 2008 година завршува обука за административно работење и се стекнува со психолошка-педагошка и методиска доквалификација на Филозофскиот факултет.

Пишува поезија, есеи и книжевни критики. Неколку години по ред објавува текстови во „Наше писмо“, „Мираж“, „Репер“ и други списанија. Моментално е на постдипломски студии на истата катедра на Филолошкиот факултет.

Во текот на 2009 работела како административен работник во приватна компанија. Во јуни 2010 е интервјуер на фокус групи на проектот „Индекс на социјална инклузија на локално ниво“, организиран од институтот „Евробалкан“. Активно е вклучена во активности поврзани со проценка на еднаквоста на пристапот о правичната распределба на локални услуги.

Мијаковска учествува на „Струшките вечери на поезијата 2010“ во Ноќ без интерпункција - поетски вечери на млади поети. Истата година ја издава совјата прва книга поетската збирка „Номадска душа“, во издание на „Антолог“.

Во 2012 Мијаковска ја објавува својата магистарска теза на тема феминизам и женската сексуалност.

Во 2013 е добитник на „Караманова Награда 2013“.

Творештво

Мијаковска е автор на неколку поетскати збирки, вклучувајќи ги делата:

• „Номадска душа“, објавена во 2010 година, во издание на „Антолог“;
• Стихозбирката „Куфери“, објавена во 2012 година, во издание на „Матица“;
• „Психоаналитичка Алхемија од Страсти“, објавена во 2013, издание на Совет на 40 Караманови Поетски Средби.

Надворешни врски

• Настап на поетесата Мијаковска на поетскиот фестивал „Песнило“ 2010