Тони Зен

Тони Петковски
Основни податоци
Родено име	Тони Петковски
Познат(а) и како	Тони Зен
Жанр(ови)	Рап
Занимање/ња	Пејач, композитор, изведувач на гитара, текстописец
Години на активност	2002–денес
Мрежно место	ToniZen.mk

Тони Петковски (21 јули 1983) или попознат како Тони Зен е македонски рапер и продуцент. Член е на групата Урбана Димензија, а се занимава со рап повеќе од 8 години.

Кариера

Под влијание на американскиот хип-хоп, кон крајот на 90-тите години Тони (со уметничко име Тони Монтана) почнува да се занимава со рап музиката. Активен е во неговата прва група „105“, снимајќи демо снимки достапни само на хип-хоп програмата на скопското радио Канал 103. Во 2002 година заедно со DJ Чваре ја оформува групата Урбана Димензија, а со тоа почнува попрофесионално да се занимава со рап музиката. Во меѓувреме Тони своето уметничко име од Тони Монтана го менува во Тони Зен Настапуваат на бројни настани во Македонија од кои се издвојува Street Beats Festival (хип-хоп вечер на Таксират 2005), како предгрупа на Jeru Da Damaja, Afu Ra, Guru и Edo Maajka. Тони Зен како соло артист, а и како член на Урбана Димензија работи на повеќе проекти во блиска соработка со Единствена Опција, Мартин Србиновски, Бојана и Бисера (Gemini), Тамара Тодевска, Роберт Билбилов, Јован Јованов и други.

Покрај успехот во музиката, Тони е и сопственик на Tony's Soul Wear, продавница наменето стриктно за хип-хоп облека. Продавницата се наоѓа во ГТЦ во Скопје

Тони Зен беше гостин на концертот на Слаткаристика одржан на Антички Театар во Охрид на 23.07.2009, a исто така беше дел и од концертот на Слаткаристика одржан во Метрополис Арена во Скопје каде имаше свое шоу на сцената.

На 31.03.2010, Тони Зен настапи како предгрупа на концертот на 50 Cent кој се одржа на Борис Трајковски Арена во Скопје.

Значаен датум за Тони Зен е 23.07.2010 затоа што тогаш го одржа својот прв солистички концерт одржан на Антички Театар во Охрид пред околу 4.000 гледачи, а како гости на концертот настапија Токсикологија и Слаткаристика.

Како најуспешен период во неговата досегашна кариера се смета периодот во 2009. и 2010. година каде Тони Зен представува еден од најдобрите рап артисти во територијата на Република Македонија.

Дискографија

Студиски албуми

• Стиховна Агенда (2005)
• Слушај (2007)
• Во мој Стил (2009)
• Тони Зен е Суперзен (2011)
• Микро Скопски организми (2013)

Синглови

Од првите два албума Зен мастер (2004) Скопје мој град (2005) Покрај Мене (feat. Gemini) (2005) Во полн ефект (2006) За Пандев (feat. Тамара) (2006) Дали сакаш (feat. Единствена Опција)) (2006) Сега Знам (feat. Мартин Србиновски) (2007) Mi casa e su casa (feat. Слаткар) (2007)

Од последните два албума Скандал (2009) Спушти Се Доле (feat. Слаткар) (2009) Во мој стил (2009) Не ме замарај (feat. Тамара) (2010) Океј (2010) Јас сум хип хоп (2010) Бас (2011) Надвор & Повеќе од рапер (2012)

Видео Спотови

• Скандал
• Во мој стил
• Okey
• Јас сум хип хоп
• Бас
• Сетила

Надворешни врски

• Официјален сајт на Тони Зен
• Тони Зен на MySpace
• Видеа Тони Зен