ФК Работнички

ФК Работнички

Грб на ФК Работнички
Целосно име	Фудбалски клуб Работнички
Прекари	„Романтичари“ „Железничари“ „Дебармаалци“ „Херојот“
Основан	4 октомври 1937
Стадион	Филип II Арена (Капацитет: 35.000)
Претседател	Драган Поповски
Потпретседател:	Ристо Поповски
Лига	Прва македонска фудбалска лига
2012-2013	4
Мреж. место	Службено мрежно место
Домашни бои Гостински бои

Натпревар за квалификација во Евролигата на УЕФА помеѓу ФК Работнички и Крусадерс од Северна Ирска на Арена „Филип II

ФК Работнички е македонски фудбалски клуб од Скопје.

Историја

Фудбалскиот клуб Работнички во својата историја важел како еден реномиран скопски клуб, кој бил познат како железнички фудбалски клуб.Постоењето датира уште од далечната 1937 година во којшто долг период Работнички се натпреварува најчесто во Втората сојузна лига на поранешна Југославија, Републичката лига на Македонија како и две сезони во Првата сојузна лига на Југославија.

Во периодот од осамостојувањето на Македонија, Работнички е постојан член на првата Македонска фудбалска лига. Во сите овие години од формирањето во 1937, и во сите натпреварувања во кои што учествувал, Работнички редовно бележел забележителен успех и секогаш бил достоен претставник на македонскиот фудбал. Врвот на својот успех Работнички го достигнува во периодот од 2001 година па до денес во којшто период клубот го презема реномираната компанија Кометал. Компанијата со своето управување и инвестирање во Работнички Кометал го доведува до еден силен и стабилен фудбалски клуб, којшто полека но сигурно почнува да доминира во македонскиот фудбал, а паралелно со тоа и достојно да се претставува на европската сцена.

Со преземање на клубот од страна на компанијата Кометал(2001 год.), Работнички бележи постојан прогрес: еднаш се натпреварува во купот на УЕФА (2000/01), а сезоната (2004/05) убедливо го освои првото место во националниот шампионат во Македонија и ќе се натпреварува во Лигата на шампионите.Во своето прво излегување во фудбалска Европа, Купот на УЕФА, Работнички Кометал се сретна со екипата на Ворскла од Полтава, Украина и беше елиминиран во првото коло. На 16 јули 2010 година, тие беа извлечени против Ливерпул во Лигата на Европа Лига, 3 квалификациско коло. Во првиот натпревар на 29 јули 2010 година, тие загубија со 2:0, а поразот од 2-0 се повтори и на реваншот една недела подоцна. Следната година играа против Лацио во плејоф натпревар за Лига Европа во кој беа поразени.

Ветерани

Здружението на ветераните неформално функционира уште од сознавањето на ФК Работнички во 1937 година.

Официјално, здружението на ветераните на Работнички е формално регистрирано пред надлежен суд со одобрување број 29/05 на 18.02.2005, и е забележано во регистарот на здруженија на граѓани од фондации под регистарски број 1928 под името Работнички "Ветерани" - Скопје, со седиште во Скопје. Здружението функционира во соработка со Работнички, генерално споредувајќи ги неговите политики, делегира свои членови во органите на управување на клубот, дава свои мислења, сугестии и предлози од заеднички интерес, и сето тоа со цел-постигнување на поголеми резултати и давање вистинска афирмација на клубот и во Македонија и во странство. Основни извори на финансирање на здружението се: запишување такса, спонзорство, како и стоки кои се набавуваат и продаваат од страна на клубот.Членови на здружението се: Активни членови кои имаат поминато голем број на години во водење на клубот како и спортисти кои биле активни фудбалери во клубот долги години, како и голем број граѓани кои покажаа интерес за приклучување на здружението. Во здружението има членови од сите области на општествениот живот, вклучувајќи: правници, професори, директори на познати фирми, амбасадори, тренери, познати фудбалери-претставници и многу други познати личности од спортот и јавниот живот.

Претседател на Здружението од нејзиното формирање е адвокатот Драган Поповски, генерален секретар е Ристо Поповски, а селектор е Ѓорѓи Стојановски. Со посебен интерес е да се спомене дека здружението на ветерани на ФК Работнички е првиот од таков вид во Република Македонија. Од моментот на создавањето, здружението покажа голем развој на фудбалската работа, како и создавање и проширување на пријателски врски со други фудбалски клубови во Македонија и во странство. За таа цел, здружението има воспоставено пријателски спортски односи со екипи од Бугарија, Србија, Црна Гора, Турција, Грција, Словенија, Хрватска и Шведска.

Здружението на Ветерани Работнички е и редовен учесник во традиционалниот меѓународен Варна КУП, што се одржува во Варна, Р.Бугарија секоја година. Во натпреаврувачки мечеви како со тимови од Бугарија, одигра неколку натпревари со екипи од Романија, со екипи од Турција и со екипи од Србија. Речиси со сите кои се вклучени во работата на здружението, преку напорна работа и упорност, добиени се одлични резултати и помогнаа да се освојат безброј натпреварувања и меѓународни признанија. Успешната активност на здружението продолжува понатаму се повеќе.

Како полни и одговорен наследници на позитивни промени се Димовски, Попоски, Лазаров, Милошевски, Зефиќ, М. Андреевски, Д. Стојановски, Јаневски, Н. Богоевски, С. Богојевски, Џипунов, Јанев, Јовевски, Ингилизов, Бојчевски, Илиевски, Петковски,Ангеловски, Неделковски, Мицевски, Љушев, Нешовски, Цонев, Недељковиќ, М. Стојановски, Лазаревски, Скендеровиќ....

Титули

Прва Македонска Фудбалска Лига: 2005, 2006, 2008

Куп на Македонија: 2008, 2009

Македонска републичка лига: 1953, 1954, 1955, 1957, 1958, 1966, 1968, 1973, 1977, 1980

Состав

Актуелен состав

Актуелниот состав, јануари 2012, на ФК Работнички е:

Бр. Позиција Играч 1 ГМ Филип Маџовски 2 ОД Владица Брдаровски 3 ОД Ѓоко Зајков 4 СР Кристијан Панев 5 ОД Горан Богдановиќ 6 ОД Јани Урдинов 7 СР Баже Тодоровски 8 НП Крсте Велкоски 9 НП Виктор Ангелов 10 НП Борче Маневски 11 СР Иван Настевски 12 ГМ Тигран Кандикјан 13 НП Кирил Трајковски 14 НП Дарко Велковски 15 СР Филип Деспотовски 16 СР Дарко Мицевски

Бр. Позиција Играч 17 СР Милован Петровиќ 18 НП Един Скендеровиќ 19 СР Муарем Муарем 20 НП Филип Петковски 21 СР Мартин Силјановски 22 СР Филип Глигоров 24 СР Даниел Аврамовски 25 ГМ Дамјан Шишковски 27 СР Марио Настевски 28 ОД Дино Најдоски 29 ОД Димитрија Лазаревски ОД Ѓоко Цветановски ОД Милош Живковиќ НП Чуи Сан-Ку НП Бошко Ступиќ

Поранешни состави

Во прилог следува составот на ФК Работнички за сезоната 2010/2011:

Одбрана 3 Звонимир Станковиќ 4 Панче Ќумбев 5 Егзон Белица 6 Александар Радовиќ 13 Игор Стојанов 14 Емир Адем 15 Ристе Митревски

Среден ред 7 Благоја Тодоровски 11 Штефан Вујчиќ 16 Никола Глигоров 17 Милован Петровиќ 19 Владимир Туневски 22 Бојан Ивановски 24 Дарко Мицевски

Напад 8 Крсте Велкоски 9 Марјан Андонов 10 Борче Маневски 18 Един Скендеровиќ 20 Филип Петковски

Управа

Седиштето на управата на ФК Работнички е: Кошаркарска сала Градски Парк бб, Скопје; телефон/факс: +389 2 3246-516.

Челници Драган Поповски - претседател Ристо Поповски - потпретседател Игор Ангеловски - спортски директор Стојче Трајчевски - генерален секретар Ѓорѓи Стојановски - технички секретар

Стручен штаб Роберт Певник - шеф на стручен штаб Горан Петревски - прв помошник Драги Стојановски - втор помошник Зоран Мицевски - тренер на голмани Михајло Маневски - лекар Душко Велчевски - физиотерапевт Дарко Велчевски - физиотерапевт

Поврзани

• Фудбалска Федерација на Македонија
• КК Работнички

Надворешни врски

• Официјално мрежно место
• Работнички на Фејсбук