Централен Масив

Централен Масив
Massif Central Massís Central
Пиј де Дом — највисокиот вулкан
Највисока точка
Врв	Пиј де Санси
Надм. височина	1886 м
Координати	45°31′42″N 2°48′51″E
Географија
Земји	Франција
Покраини	Список Бургундија Југ-Пиринеи Лангдок-Русијон Лимузен Оверњ Рона-Алпи
Координати	46°N 3°E

Централен Масив (француски: Massif central, окситански: Massís Central / Massís Centrau) — високо подрачје во средишниот дел на јужна Франција, покриено со планини и висорамнини што образуваат масив. Зафаќа 15% од површината на државата. Највисока планина во масивот е Пиј де Санси (1.886 м).

Планините се вулкански но активноста згаснала пред 10.000 години. Одделени се од Алпите со длабок засек во правец север-југ создаден со текот на реката Рона, наречен „ронска бразда“ (sillon rhodanien).

Подрачјето претставувало препрека во тој дел на земјата, оневозможувајќи го сообраќајот од север на југ и обратно сè до изградбата на автопатот A75 на крајот на 2010 г.

Административни единици

Масивот се протега низ следниве департмани: Аверон, Алије, Ардеш, Кантал, Гар, Горна Виена, Горна Лоара, Еро, Корез, Крез, Лоара, Лозер, Лот, Од, Пиј де Дом, Рона и Тарн.

Во подрачјето на планините целосно се опфатени региони Оверњ и Лимузен, а делумно навлегуваат во Лангдок-Русијон, Југ-Пиринеи и Рона-Алпи.

Најголеми градови се Клермон Феран и Сент Етјен.

На северната страна на масивот, западно од долината на Рона, карпите се вулкански, додека пак во јужниот дел се варовнички, гранитни и шкрилни.

Поврзано

• Централен Масив на Ризницата ^?
• Тарнска Клисура
• Пиј де Санси
• Пиј де Дом
• Географија на Франција
• Список на планини во Франција

Надворешни врски

• Природен парк „Централен Масив“ (француски)
• Статистички атлас на Централниот Масив — INSEE (француски)