Административна единица

Административни единици во светот

Административна едниница (или управна единица) е дел од земја или друга политичка целина формирана со цел да се организира и олесни нејзиното управување и функционирањето на жителите. Овие единици имаат извесен степен на автономија и се задолжени да раководат со себе по пат на локална самоуправа. Една земја може да има повеќе степени на административна поделба во зависност од нејзината големина и потреби. На пример, повеќе земји се поделени покраини, кои потоа се делат на окрузи или области, кои пак може да бидат понатаму поделени на општини.

Административните единици се концептуално поинакви од зависните територии. Првите се составен дел од една држава, додека пак другите имаат поголема автономија и се географски оддалечени. Во некои случаи овие два поима се совпаѓаат, но тоа е мошне ретко.

Во светот постојат многу разни видови на административни единици. Понекогаш преведувањето на поимите кои се користат за тие целини е тешко бидејќи нивното значење зависи од културно-историската средина кадешто се појавиле.

Некои единици

амт баро баронија вилает војводство град грофовија дем департман империја кантон кварт

кнежевство колонија комарка крај кралство лено маало марка маркгрофовија месност населба област

околија округ општина паланка парохија пашалак повјат покраина префектура провинција регион реон

санџак сатрапија село сојузна држава сојузна покраина стотка фракција фрегезија царство шајр

Поврзано

• Населено место
• ISO 3166-2
• Административна поделба на Република Македонија
• Административна поделба на земјите

Надворешни врски

• Граници на првoстепената поделба на секоја од земјите - ООН (англиски)
• „Statoids“ - меѓународна спогодба за стандардни двобуквени ознаки за степените на административна поделба во земјите (англиски)