Фазани: Разлика помеѓу преработките
[проверена преработка] | [проверена преработка] |
сНема опис на уредувањето |
сНема опис на уредувањето |
||
Ред 35: | Ред 35: | ||
{{наводи}} |
{{наводи}} |
||
* McGowan, P.J.K. (1994) Family Phasianidae (Pheasants and Partridges) P.p. 434-479 ''in'' del Hoyo, J.; Elliot, A. & Sargatal, J. (editors). (1994). ''[[:en:Handbook of the Birds of the World|Handbook of the Birds of the World]]. Volume 2: New World Vultures to Guineafowl''. Lynx Edicions. <small>ISBN 84-87334-15-6 </small> |
* McGowan, P.J.K. (1994) Family Phasianidae (Pheasants and Partridges) P.p. 434-479 ''in'' del Hoyo, J.; Elliot, A. & Sargatal, J. (editors). (1994). ''[[:en:Handbook of the Birds of the World|Handbook of the Birds of the World]]. Volume 2: New World Vultures to Guineafowl''. Lynx Edicions. <small>ISBN 84-87334-15-6 </small> |
||
{{ |
{{рв|Phasianidae}} |
||
== Надворешни врски == |
== Надворешни врски == |
||
{{ризница|Phasianidae|Фазани}} |
|||
{{викивидови|Phasianidae|Фазани}} |
{{викивидови|Phasianidae|Фазани}} |
||
* [http://ibc.lynxeds.com/family/pheasants-partridges-phasianidae Видеоснимки од фазани] — „Интернет-збирка на птици“ |
* [http://ibc.lynxeds.com/family/pheasants-partridges-phasianidae Видеоснимки од фазани] — „Интернет-збирка на птици“ |
Преработка од 00:50, 8 јуни 2013
Фазани Период: олигоцен-денес, | |
---|---|
Обичен фазан (Phasianus colchicus) | |
Научна класификација [ у ] | |
Класа: | Птици |
Ред: | Кокошковидни |
Семејство: | Фазани Horsfield, 1821 |
Типски вид | |
обичен фазан (Phasianus colchicus) Linnaeus, 1758 | |
Подгрупи | |
Фазаните (науч. Phasianidae) се фамилија на птици каде спаѓаат фазаните, еребиците, бисерките, кокошките, потполошките и пауните. Поради нејзината големина, фамилијата напати се раздвојува на две потфамилии: фазани (Phasianinae), и еребици (Perdicinae). Некои стручњаци во фамилијата вклучуваат и птици од други фамилии. Така, Американскиот сојуз на орнитолози ги вбројува тетребите (Tetraonidae), бисерките (Numididae) и мисирките (Meleagrididae) како потфамилии на фазаните.
Систематика и еволуција
Кладот на фазаните е најголем огранок на кокошковидните птици и опфаќа над 150 вида. Во групата спаѓаат фазаните, еребиците, банкивските кокошки, потполошките и пауните. Се смета дека мисирките и тетребите потекнуваат од птици налик на фазаните и еребиците.
Најстарите фосилни наоди на птици од групата на фазаните датираат од доцниот олигоцен, пред околу 30 милиони години.[1]
Опис
Фазаните се земни птици. По големина се движат од 43 гр (кинеска потполошка) до 6 кг (индиски паун). Се одликуваат со полов диморфизам во големината, мажјаците се претежно поголеми од женките. По облик се заоблени, имаат широки и релативно кратки крила и силни нозе. Многу видови на нозете имаат мамуски, што постојат само во оваа група и кај бисерките и мисирките. Клунот е краток и силен, особено кај видовите што се хранат копкајќи во земјата. Мажјаците од поголемите видови имаат шарено перје со живи бои и украси на лицето како подбрадок или кикиришка (грива).
Географска застапеност и живеалиште
Птиците од оваа фамилија живеат во најголемиот дел од Европа и Азија (освен во најсеверните делови), цела Африка (освен најсувите пустини) и источна Австралија. Најголема разновидност се среќава во југоисточна Азија и Африка. Конгоанскиот паун го има само во Конго. Потфамилијата на еребиците е многу пораспространета. Во својот ареал, присутни се во сите можни живеалишта освен субарктичките шуми и тундрата.
Фамилијата е претежно непреселничка, со исклучок на некои потполошки, кои одат на големи преселби. Неколку вида од фамилијата се воведени нашироко во целиот свет, особено фазаните, кои се доведени во Европа, Австралија и Америка. Постоајт популации на пауни и кокошки што живеат подивени во природата, откако избегале од стопаните.
Поведение и екологија
Фазаните и еребиците имаат разновидна исхрана: некои имаат чисто растителна исхрана (семки, листови, плодови, кртоли и корења), а некои се хранат со мали животинки како инсекти, ларви, па дури и гуштерчиња. Највеќето видови се построго поделени на месојадни и тревопасни, со тоа што пилињата кај сите видови јадат инсекти.
Покрај разликите во исхраната, членовите на фамилијата се разликуваат и по начинот на парење. Доста видови не се моногамни, што е необично за птиците во целина. Гнездата ги градат на земја. Само трагопаните се гнездат повисоко, во пенушки и грмушки. По облик, гнездата се движат од растителни купови до мали вдлабнатини во земјата. Обично снесуваат 7-12 јајца, но можат да снесат дури и 18. Просечниот број на снесени јајца е помал кај тропските видови. Јајцата ги квачи само женката, во период од 14–30 дена, зависно од видот.
Наводи
- McGowan, P.J.K. (1994) Family Phasianidae (Pheasants and Partridges) P.p. 434-479 in del Hoyo, J.; Elliot, A. & Sargatal, J. (editors). (1994). Handbook of the Birds of the World. Volume 2: New World Vultures to Guineafowl. Lynx Edicions. ISBN 84-87334-15-6
„Фазани“ на Ризницата ? |
Надворешни врски
„Фазани“ на Викивидовите ? |
- Видеоснимки од фазани — „Интернет-збирка на птици“
- Фазани на Curlie (англиски)