1999

1999 во разни календари

Грегоријански календар	1999 MCMXCIX
Ab urbe condita	2752
Ерменски календар	1448 ԹՎ ՌՆԽԸ
Асирски календар	6749
Бахајски календар	155–156
Балиски календар	1920–1921
Бенгалски календар	1406
Берберски календар	2949
Будистички календар	2543
Бурмански календар	1361
Византиски календар	7507–7508
Кинески календар	戊寅年 (зем. тигар) 4695 или 4635     — до — 己卯年 (зем. зајак) 4696 или 4636
Коптски календар	1715–1716
Етиопски календар	1991–1992
Еврејски календар	5759–5760
Хиндуистички календари
- Викрамска ера	2055–2056
- Сачка ера	1920–1921
- Кали-југа	5099–5100
Холоценски календар	11999
Игбоански календар	999–1000
Ирански календар	1377–1378
Исламски календар	1419–1420
Јапонски календар	Хејсеј 11 (平成１１年)
Јавански календар	1931–1932
Џуче-календар	88
Јулијански календар	грегоријанската без 13 дена
Корејски календар	4332
Мингуо-календар	Тајван 88 民國88年
Нанакшахи	531
Тајландски сончев календар	2542
Тибетски календар	阳土虎年 (машка земја-тигар) 2125 или 1744 или 972     — до — 阴土兔年 (женска земја-зајак) 2126 или 1745 или 973
Униксно време	915148800 – 946684799

1999 (MCMXCIX) била година според јулијанскиот календар. Тоа била 1999. година од новата ера, 999. од вториот милениум, 99. од 20 век и последна од 1990-тите.

Други календари

Годината била броена од страна на различни народи, па се среќава во бројни други календари. Меѓу попознатите се вбројуваат: византискиот, асирскиот, еврејскиот, римскиот, кинескиот, будистичкиот и исламскиот.

Така, во византискиот календар, којшто времето го мери од создавањето на светот според Библијата, на 1 септември 5509 п.н.е. според продолжениот јулијански календар, истата трае во текот на 7507 и 7508 година. Според асирскиот календар, во којшто мерењето на времето започнува од 4750 г.п.н.е, кога се проценува дека бил изграден првиот храм во граот Асур, станува збор за 6749 година. Понатаму, во еврејскиот календар, којшто започнува на 1 септември 3760 г.п.н.е. според продолжениот јулијански календар или околу една година пред создавањето на светот според Евреите, годината се протега во текот на 5759 и 5760 еврејска година. Според календарот на Римјаните, којшто започнува од 753 г.п.н.е., кога браќата Ромул и Рем го основале градот Рим (познато и како Ab urbe condita), годината е избројана како 2752.

Во рамките на кинескиот календар, пак, постојат две поделени мислења за почетокот на броењето на годините: едни сметаат дека тоа е 61. година од владеењето на легендарниот Жолт цар или 2637 г.п.н.е.; додека други сметаат дека за почеток треба да се земе годината кога Жолтиот цар станал владетел, т.е. 2697 г.п.н.е. На тој начин, според првото гледиште, 1999. година се протега во 4635 и 4636, додека според второто гледиште, годината трае во текот на 4695 и 4696 кинеска година. Будистичкиот календар започнува да го мери времето од 543 п.н.е., година во којашто се смета дека Буда достигнал состојба на нирвана, и годината ја брои како 2542. Според исламскиот календар, во којшто мерењето на времето започнува со 622 година, т.е. годината на пребегнувањето на пророкот Мухамед од Мека во Медина (позната и како хиџра), годината се протега во текот на 1419 и 1420 исламска година.

Настани

• 28 јануари - Република Македонија го признава Тајван.
• 16 февруари – Во Узбекистан е извршен неуспешен обид за атентат врз претседателот Ислам Каримов.
• 12 март – Полска, Унгарија и Чешка се приклучуваат кон НАТО.
• 24 март - Започна бомбардирањето на СР Југославија во воената операција наречена „Сојузничка сила“ со која силите на НАТО алијансата ја протераа југословенската војска и полиција од територијата на српската покраина Косово.
• 27 март - Над територијата на СР Југославија е соборен американски стелт бомбардер од типот F-117. Ова е единствен случај бомбардер од овој тип да е соборен од непријателски оган откако претходно е детектиран со помош на нискофреквентен радар.
• 9 април – Извршен е атентат врз претседателот на Нигер, Ибрахим Баре Менасара.
• 30 април – Камбоџа станува членка на АСЕАН.
• 2 мај - Авијацијата на НАТО изврши напад на СР Југославија со „графитни бомби“, предизвикувајќи распад на електроенергетскиот систем на земјата. 70% од земјата остана во мрак.
• 7 мај - Бомбардирана е Кинеската амбасада во Белград, во текот на воздушната кампања на НАТО против СР Југославија. Во инцидентот загинаа тројца кинески дипломати, а настанот предизвика гнев кај раководството на НР Кина. Официјалниот став на НАТО алијансата беше дека се работи за грешка.
• 7 мај – Во Гвинеја-Бисао е извршен воен удар.
• 14 мај - Авиони на НАТО погодија колона со бегалци на Косово. Загинаа 87 лица.
• 9 јуни – Во Куманово СР Југославија и НАТО потпишуваат договор за прекин на огнот.
• 10 јуни - Советот за безбедност на ОН ја усвои Резолуцијата 1244 со која Косово се става под управа на Обединетите Нации.
• 23 јуни - Излегува првиот број на дневниот весник „Утрински весник“ во Скопје.
• 28 август - Во сообраќајна несреќа кај Катланово загина министерот Радован Стојкоски, како и неговата сопруга и ќерка и возачот на владиното „ауди“. Сообраќајната несреќа ја предизвика возило на НАТО кое се движеше во спротивна насока.
• 14 септември – Кирибати, Науру и Тонга стануваат членки на Обединетите Нации.
• 12 октомври – Первез Мушараф преку воен удар доаѓа на власт во Пакистан.
• 12 октомври – Светското население достигна 6 милијарди.
• 31 октомври – Се одржува првиот круг од претседателските избори. Најголем број гласови освојува кандидатот на СДСМ, Тито Петковски.
• 6 ноември – Австралијанците на референдум одлучија да ја задржат монархијата.
• 14 ноември - Се одржува вториот круг од претседателските избори. Победува кандидатот на ВМРО-ДПМНЕ, Борис Трајковски.
• 15 декември - Борис Трајковски ја презема должноста Претседател на Република Македонија.
• 20 декември – Португалија и го предаде Макао на НР Кина.
• 23 декември - Основана е Либералната партија на Македонија.
• 31 декември - Рускиот претседател Борис Елцин ја напушта функцијата и го именува Владимир Путин за свој наследник и в.д. претседател на Руската Федерација.

Без датум

• Излегува во печат првото издание на британското списание The Chap.

Починале

• 2 мај – Оливер Рид, англиски актер
• 6 јули – г.г. Михаил, поглавар на Македонската Православна Црква
• 12 октомври – Вилт Чембрлен, американски кошаркар
• 14 октомври - Јулиус Њерере, танзаниски претседател
• 11 декември – Фрањо Туѓман, хрватски претседател

---

Видете исто:

• календарот за таа година