Јужнокинеско Море

Јужното Кинеско Море

Јужнокинеското Море е најголемото море на работ на западниот Тихи Океан, кое се простира на над 2.700 км околу југоисточниот раб на копнена Азија. Двата разграноци на морето, Тонкиншкиот Залив и Тајландскиот Залив се наоѓаат во југоисточна Азија. Североисточниот дел на ова море, во близина на Филипините, се наоѓа над длабок подморски басен во облик на дијамант, чиј најтесен дел е познат како Јужен Кинески Басен. Во неговиот северен дел се наоѓа широка област на континентален подводен гребен што се протега дури на 240 км од брегот на Кина и Виетнам и ги опфаќа Тајванскиот Проток и Тонкиншкиот Залив. На југ подводниот гребен се стеснува близу до Јужен Виетнам, а потоа се соединува со Сундскиот подводен гребен, една од најголемите области на континентален подводен гребен во светот, кој се наоѓа под целиот јужен дел на Јужно Кинеско Море. На овој подводен гребен се наоѓаат многу мали острови и архиепелази. Климата во Јужното Кинеско Море е позната по монусите и летните тајфуни. Годишното количество дожд достигнува дури до 4,000 мм во некои делови на Сундскиот Подводен Гребен. Риболовот и поморскиот сообраќај имаат големо економско значење. Рибите уловени во Јужното Кинеско Море имаат дури 50% од животинските белковини кои во исхраната ги внесуваат жителите на Југоисточна Азија. Главни пристаништа и трговски центри крај ова море се: Хонг Конг, Манила, Хо Ши Мин, Сингапур и Бангкок.