Предраг Самарџиски

Предраг Самарџиски (роден 4 ноември 1986 во Скопје) е македонски кошаркарски репрезентативец, кој настапува за српскиот кошаркарски прволигаш ФМП Железник. Тој е висок 216 см и тежок 110 кг. Игра на позиција центар. Син е на Бобан и Рената Самарџиски (познати кошаркари), негова сестра е Бојана Самарџиска, која истотака е репрезентативка на Македонија. Самарџиски настапувал за сите младински репрезентации на Македонија. По старите правила на НБА Драфтот, Предраг смееше да учествува на 18 години, во 2004, но подучен од НБА судбината на Дарко Миличиќ, се отпиша од драфтот, иако беше проектиран за пик во првата рунда, гарантирајки му 3-годишен договор со НБА тим. Предраг смееше да партиципира и на наредните четири НБА Драфтови, во 2005, 2006 2007 и 2008.

Во меѓувреме, Предраг настапуваше за КК Партизан 2004-2005, ФМП Железник 2005-2009, Олин 2010-11 и денес игра за Лиетувос Ритас (Литванија). Тој имаше просеци од 12 поени и 7 скока со ФМП Железник во квалификациите за Улеб Купот 2007/2008. Во јуни 2008, тој конечно ќе учествува на драфтот, и е проектиран помеѓу 45та и 57та позиција, но заради став на Американските менаџери од трендот на Европејци кои одбиваат да дојдат во НБА, само неколку Европејци беа регрутирани во НБА, и Предраг остана недрафтуван. Самарџиски е нашиот најталентиран млад кошаркар. На престојните квалификации за европското првенство што ке се одржи следната година, Предраг беше еден од назаслужните кошаркари кои ја однесоа Македонија на европското првенство.

Ќе игра клупска кошарка во Лиетувос, вториот најуспешен литвански тим на домашната сцена и во Европа. Трансферот во земјата домаќин на следниот европски шампионат, е равенство на НБА договор, во поинакви услови и за (засега се уште) кошаркари од други земји.