Залив Пленти

Околина Залив Пленти Регионален Совет на Залив Пленти
Земја:	Нов Зеланд
Регионален Совет
Име:	Околина Залив Пленти
Претседавач:	Џон Кронин
Население:	262,900 јуни 2006
Површина:	12,277km²
Веб-сајт:	http://www.envbop.govt.nz
Градови
Поголеми:	Тауранга, Роторуа, Факатане
Помали:	Те Пуке, Танеатуа, Еџкамб, Опотики, Каверау, Мурупара, Охопе, Матата, Макету, Нгонготаха
Составни административни единици
Називи:	Град Тауранга Дел од Округ Роторуа Округ Факатане Округ Западен Залив Пленти Округ Каверау Округ Опотики Дел од Таупо
Веб-сајтови:	http://www.tauranga.govt.nz http://www.rdc.govt.nz http://www.whakatane.govt.nz http://www.wbopdc.govt.nz http://www.kaweraudc.govt.nz http://www.odc.govt.nz

Заливот Пленти (англ. Bay of Plenty, маор. Te Moana-a-Toi; значи: „Залив на Изобилството“), е регион на Северниот Остров на Нов Зеланд сместен околу истоимениот залив. Најголемиот град е Тауранга, во неговиот западен крај.

Самиот залив

Заливот се протега од основата на заливот Коромандел на запад, па сѐ до 'ртот Ранавеј на исток. Регионот го граничат планинските венци Каимаи и Мамаку на запад и оди навнатре до ретко население шумовити предели околу Роторуа, Каверау и Мурупара. Во заливот има неколку острови, меѓу кои Мајоров Остров/Тухуа, Мотити, Китски Остров и активниот вулкан Факаари/Бел Остров.

Заливот бил именуван од Џејмс Кук во ноември 1769. Му го дал името Залив на Изобилството заради обилните количества храна кои ги нашол посетувајќи крајбрежни маорски села.

Регионот

Регионот според податок од 2006 брои 262,900 жители, кое би нараснало на 277,900 до 2011 год. Два града се доминантни: Тауранга (111,500) и Роторуа (54,800). Другиу градовиво регионот се Те Пуке, Каверау, Катикати и Опотики. Главни стопански гранки во регионот се земјоделството и туризмот, со тоа што прилично популарна атракција е геотермичкиот регион околу Роторуа.

Регионот е шумовит, кои дрва се користат за дрвната индустрија, а друга голема гранка е земјоделството. Климата на крајбрежните предели е речиси тропска, влажна и топла во најголемиот дел од годината, но повнатре околу Роторуа просечната температура е за 2 С° пониска. Важни култури се кивито, јаболкото, авокадото и дрвената граѓа. Како и низ цел Нов Зеланд, овчарството е често, но сѐ повеќе и говедарството е во подем.

Заради потребата од пренесување на дрвени трупци до пристаништето во Тауранга се забележува развој во транспортната мрежа. Железничка линија постои помеѓу Таурнга и регионот Ваикато, па сѐ до источните заливи. Линијата служи само за товарни возови.

Демографија

Во пописот од 2006 севкупното население на регионот Залив Пленти изнесувало 257,379.

Од нив, 28% се изјасниле како маори. 23% биле под 15 годишна ворзаст, а 3.9% биле невработени.

Најголеми населени места

• Тауранга 111,500
• Роторуа 54,900
• Факатане 18,850
• Каверау 7,100
• Те Пуке 7,050
• Опотики 4,000
• Катикати 2,950

Наводи

• Субнационална пресметка на број на население: на 30 јуни 2006, Статистика Нов Зеланд. (англиски)
• Таблици на регионално население, попис 2006, Статистика Нов Зеланд. (англиски)