Суматра

Суматра
Sumatеra

Топографија на Суматра
Географија
Место	Југоисточна Азија
Координати	0°00′N 102°00′E
Архипелаг	Големи Сундски Острови
Подреденост по површина	6
Највисока точка	Керинчи
Управување
Индонезија
Провинции	Ачех, Бенгкулу, Џамби, Лампунг, Риау, Западна Суматра, Јужна Суматра, Северна Суматра
Најголема населба	Медан (pop. 2.392.922 (2003))
Демографија
Население	45 милиони (2005)
Етнички групи	Ачеси, Батаци, Минангкабау, Малајци

Суматра (индонезиски: Sumatera) е индонезиаки остров, еден од Големите Сундски Острови. Со површина од 470.000 km² Суматра е шести остров по големина во светот. Има 40 милиони жители кои зборуваат на 52 различни јазици. Највеќе имаат малајско потекло. Околу 80% од населението се муслимани, а 18% христијани.

Островот се простира 1.700 километри во правец северозапад-југоисток и широк е до 370 километри. Екваторот поминува низ средината на островот. Планината Керинчи е највисокиот врв на Суматра (3.805 метри). Суматра е позната по интензивната вулканска активност, поради што земјата е многу плодна, а пејзажите се спектакуларни. Источна половина на островот е рамничарска. Околу 40 километри од јужниот брег на Суматра, од другата страна на Сундскиот Проток, се наоѓа островот Јава. Борнео е одалечен 600 километри, додека Малајскиот Полуостров на североисток е одвоен со Малачкиот Проток. На околу 200-1000 километри северозападно од Суматра лежат групата на острови Андамани и Никобари.

Цунами со височина од 15 метри, произлезени од земјотрес со јачина од 9 степени според рихтеровата скали, го погодил островот на 26 декември 2004. Западниот брег, особено провинцијата Ачех била катастрофално погодена и разрушена. Имало повеќе од 200.000 мртви.

На Суматра се наоѓаат значајни извори на нафта. Се експлотира јаглен, злато, боксит и цинк. Од земјоделските производи значајни се каучукот, биберот, кафето, палминото масло и тутунот.

Природа

На Суматра живеат 201 вид на цицачи и 580 видови на птици. На островот има 9 ендемски видови на цицачи и уште 14 на околните острови. Од тие видови највеќе се истакнуваат: суматрански тигар, суматрански орангутан, суматрански носорог, суматрански слон, малајски тапир, овошен лилјак и други. Има и 17 ендемски растителни видови (најголемиот цвет на светот: Rafflesia arnoldii).

На островот постојат 10 национални паркови од кои три припаѓаат на листата на Светското културно наследство.

Провинции

Суматра е поделена на 10 провинции, од кои само Ачех имна статус на посебен регион.

• Ачех (северозапад), главен град Банда Ачех
• Банка Белитунг (2 острова во близина на Борнео), Пангкалпинанг
• Бенгкулу (јужен брег), Бенгкулу
• Џамби (центар-исток), Џамби
• Лампунг (југоисток), Бандар Лампунг
• Риау Кепулауан (Риау Острови), Танџунгпинанг
• Риау (центар), Пеканбару
• Суматера Барат (средина на западниот брег), Паданг
• Суматера Суматан (југоисток), Палембанг
• Суматера Утара (северозапад), Медан

Надворешни врски

• (англиски)
  • Вилијам Марсден, „Историја на Суматра“, (1783); 3-то изд. (1811) on line.

  
  

  

  Суматра

  0°00′N 102°00′E