Кутлеш

Археолошки локалитет Еге
(мод. име Вергина)

светско наследство на УНЕСКО
Критериум	Културен: i, iii
Навод	780
Запис	1996 (20то заседание)

Ковчегот со 16-зрачното сонце пронајден во гробницата во Кутлеш

Симбол на античка Македонија

Кутлеш (грчки: Βεργίνα/Αιγαί, турски Kütles) е село кое се наоѓа во Егејска Македонија, во долното течение на р.Бистрица, околу 80 km југозападно од Солун, во периферијата Централна Македонија, Грција. Денеска тоа претставува мало гратче со над илјада жители. Денешниот грчки назив за Кутлеш (Вергина) е воведен по 1922 година на предлог на Митрополитот од Бер(Вериа) според легендарна кралица од античка Вероиа. По Договорот од Лозана кога се извршило масовно населување со бегалци од Мала Азија и соседните области, наречени од локалното население Маџири. Тогаш од поранешните две мали села - Кутлеш и Барбеш кои дотогаш биле беговски имот со само 25 фамилии, властите оформиле една населба во која сместиле 131 фамилија со потекло од Бугарија и Мала Азија. Ова било практика во цела Егејска Македонија каде за сметка на локалното делумно протераното македонско православно и целосно прогонетото муслиманско, како и турско и друго население. .

Ѕвездата од Кутлеш

Главна статија: Ѕвездата од Кутлеш

Во 1977 година, по археолошките испитувања предводени од грчкиот археолог Манолис Андроникос беше откриен гроб за кој се претпоставува дека е од таткото на Александар Македонски, Филип II Македонски. На истото место беше пронајден и древниот македонски симбол шестнаесетзрачното сонце или познато како македонско сонце или ѕвезда од Кутлеш (од Вергина). Инаку овој симбол може да се види и на многу други места низ Македонија, цркви, фрески, икони, монети итн. Овој симбол ставен на црвена основа го претставува етничкото знаме на Македонците и е употребувано насекаде кадешто живеат етнички Македонци, а од неодамна е ставен и на официјалниот грб на Општина Пустец во Република Албанија каде што живее бројна македонска заедница.

Според Грците ова шестнаесетзрачно сонце или ѕвезда е симбол на дванаесетте грчки богови како и океаните (водата), оганот, земјата и небото (воздухот).

Ѕвездата ставена на сина подлога го претставува знамето на Грците од Северна Грција, кои во скоро време за себе го усвоија терминот „Грчки Македонци“ (во однос на спорот со името со Македонија) и на регионот Македонија во Грција.

Видете исто така

• Етничко македонско знаме