Алопатричка видообразба

Споредба на видовите на природна специјација.

Во процесот на формирање на нови видови - специјацијата, најефикасни се географските изолациони фактори како што се реките, морињата, езерата, високите планини, пустините и слично. Ваквиот вид на специјација се означува како географска или алопатричка специјација.

Алопатричките видови од една популација настануваат кога меѓу одделни делови на популацијата се создаваат различни географски бариери.

Пример за ваква алопатричка специјација е со островите на Јадранското море, кои настанале со покачувањето на нивото на водата. При тоа, на нив останале изолирани делови од популациите на голем број животни и растенија. Меѓу нив се и неколку видови гуштери кои дивергентно еволуирале во подвидови, кај кои постапно настанувала и репродуктивна изолација на одделни острови. Слично е и со примерот на дождовниците кои се развиле по повеќе видови поради други географски бариери.