Белица (Порече)

За други значења на поимот Белица видете на појаснителната страница

Белица
Белица Местоположба на Белица во Македонија Белица на карта
Координати 41°40′33″N 21°18′15″E
Општина	Општина Македонски Брод
Шифра на КО	03002
Белица на Ризницата

Белица се наоѓа во Поречката област, во подножјето на планинскиот масив Мокра Планина (Даутица, Јакупица и Караџица) на надморска височина од 600 до 680 метри . Во овој предел се наоѓаат изворите на најубавата река во Македонија, реката Белешница, која преставува најголема притока на реката Треска. Во околината на селото има неколку подземни пештери кои изобилуваат со внатрешна пештерска кореогафија, како што се пештерите: Момичак, Лапарница и Гулубарница. Селото се дели на Долна Белица и Горна Белица. Горна Белица е составена од неколку мала.

Историja

Белица во минатото се викала Виниче но поради некоја болест населението во него изумрело. Подоцна Белица настанала со доселување од неколку села, како од селата: Бенче, Рамне и еден мал дел од Локвица. За името Белица постојат две теории, едната вели дека поради белата-бистрата река се нарекло Белица, а додека другата теорија вели дека село е наречено по легендата за некоја девојка Белаица, која во тој период требало да се потурчи, таа не го прифатила тоа и се фрлила во реката и по тоа селото и реката го носат името Белица.

Општествени институции

Цркви

• „Св. Пантелејмон“, изградена во 1889 година.
• „Св. Никола“, изградена во 16 век.
• „Св. Илија“
• „Вознесение Христово“
• „Св. Троица“
• „Св. Талалеј“

Културни и природни знаменитости

Археолошки локалитети

• Варница - некропола од доцноантичкото време;
• Кале - градиште од доцноантичкото време;
• Миткороен - утврдена населба од доцноантичкото време;
• Ридот - населба од хеленистичкото и римското време, старохристијанска црква и некропола;
• Столоватец - градиште од доцноримско време;
• Глибовец - кастел од доцноантичкото време;
• Аништа - некропола од средниот век;
• Влак - некропола од средниот век;

Пештери

• Голубарник - позната е по специфичните лилјаци, уникатниот бисер и загадочниот човечки череп;
• Лапарник - според категоризацијата на пештерите во Македонија, оваа пештера спаѓа во групата на забележителни пештери;
• Момичек - важи за една од наколоритните пештери во Македонија.

Надворешни врски

• Репортажа за селото