Семејство (биологија)

Разните нивоа на системот на научна класификација.

---

Зголеми

Хиерархијата на осумте главни таксономски рангови во биолошката класификација. Поситните меѓурангови не се прикажани.

Во биолошката класификација на организмите, фамилија (од латински: familia) или семејство е таксономски ранг и таксон. Други застапени рангови се животот (живиот свет), доменот, царството, коленото, класата, редот, родот и видот. Фамилијата е сместена помеѓу редот и родот и има свој подранг, наречен потфамилија и свој надранг, наречен натфамилија.

На пример, оревот и хикоријата припаѓаат на фамилијата Оревоцветни (Juglandaceae).

Определувањето на членовите на фамилиите е работа на таксономите. Честопати се поставува прашањето дали воопшто да се признае некоја фамилија. Во голем број случаи таксономите не го делат истото мислење. Бидејќи не постојат строго утврдени правила што мора да се следат при опишувањето или признавањето на фамилиите, некои таксони се признаени насекаде, додека пак други наоѓаат поддршка мошне ретко.

Примена

Фамилиите се корисни во еволутивните, палеонтолошките и родовите изучувања бидејќи се постабилни од нижите таксони како родот и видот.

Поврзано

• Систематика
• Кладистика
• Филогенетика
• Таксономија