Чикаго (филм)

Чикаго (англиски: Chicago) е мјузикл од 2002 година издаден од издавачката куќа Miramax Films. Филмот првпат почнал да се прикажува на 27 декември, 2002 во ограничен број на градови, а пошироко почнал да се прикажува на 24 јануари, 2003.Филмот е адаптација на сатиричниот театарски мјузикл, истражува теми на гламурот и скандалот во Чикаго во ерата на џезот. Режисер и кореограф на филмот е Роб Маршал, а адаптацијата за филм е напишана од Бил Кондон. Филмот Чикаго има освоено шест Оскари во 2003 вклучувајќи и оскар за најдобар филм. Овој филм е првиот мјузикл што ја добил наградата најдобар филм по филмот Оливер! во (1968).

Дејствието на Чикаго се врти околу Велма Кели и Рокси Харт, двете осудени за убиство кои чекаат смртна казна во Чикаго од 1920-тите. Велма, која професионално игра во водвил, и Рокси, домаќинка со аспирации да биде ѕвезда, се борат за слава која ќе ги држи подалеку од гилотината. Во филмот глумат Кетрин Зета-Џоунс, Рене Зелвегер и Ричард Гир.

Приказна

Чикаго, околу 1920 година. Наивната Рокси Харт (Рене Зелвегер) оди во посета на ноќен клуб каде Велма Кели (Кетрин Зета-Џоунс) настапува, во надеж дека нејзиното момче Фред Касли ќе и најде ангажман како ѕвезда во водвиљ („Сиот тој џез“). По настапот, Велма е уапсена за убиство на нејзиниот неверен сопруг бидејќи спиел со нејзината сестра Вероника. Откако Рокси сфаќа дека Фред нема да и помогне да влезе во шоубизнисот, во момент на бес таа го убива и се обидува дека го намести нејзиниот простодушен сопруг Ејмос. И покрај ова, полицијата не наседнува на трикот и Рокси е уапсена и испратена во затворот на округот Кук.

|group11 = 2020-ти |list11 = Земја на номадите (2020) • CODA (2021) • Сè насекаде одеднаш (2022) }} </noinclude>