Зимски олимписки игри 1924

I Зимски олимписки игри - Шамони 1924
I Зимски олимписки игри - Шамони 1924
Град домаќин	Шамони, Франција
Број на држави	16
Број на спортисти	258
Број на спортови	6
Број на натпревари	16
Отворање	{{{Отворање}}}
Затворање	{{{Затворање}}}
Стадион

I Зимски олимписки игри, познати и како Меѓународна недела на зимските спортови (француски: Semaine des Sports d'Hiver) се одржале од 25 јануари до 5 февруари 1924 година во Шамони, Франција, во рамките на Летните олимписки игри, кои истата година се одржале во Париз. Спортските натпревари се одржувале во близина на Шамони, а организатор бил Францускиот олимписки комитет. Меѓународниот олимписки комитет, подоцна ги нарекол први олимписки игри.

Иако уметничкото лизгање било спорт, кој бил дел од Летните олимписки игри во Лондон и Антверпен и хокејот на мраз на игрите во Антверпен. Останатите зимски спортови се ограничени од годишното време, па отсекогаш се одржувале само на Зимските олимписки игри. На состанок на МОК во Лозана во 1921 година, било одлучено во 1924 во Шамони да се организира „меѓународна недела на зимските спортови“.

Краток преглед

• Првиот златен медал на Зимските олимписки игри го освоил Чарлс Џотроу од САД во дисциплината 500 m брзо лизгање.
• Соња Хени, со само 11 години се натпреварувала во уметничко лизгање во женска конкуренција. Иако, завршила последна, таа го привлекла вниманието на публиката. На следните три Зимски олимписки игри освоила 3 златни медали.
• Швеѓанецот Гилис Графстром освоил злато во уметничко лизгање во машка конкуренција, со што станал единствениот спортист во поединечна конкуренција досега, кој злато освоено на Летните олимписки игри, успеал да го одбрани на Зимските олимписки игри.
• Хокејарската репрезентација на Канада го освоила златниот медал со 6 победи во исто толку натпревари и гол разлика 110-3. Со оваа победа, слично како и Гилис Графстром, канадската хокејарска репрезентација успеала златото освоено на Летните олимписки игри, да го одбрани на Зимски.

Церемонија на затворање

На церемонијатана свечено затворање на игрите, била доделена награда за спорт, кој не бил дел од игрите. Имено, Пјер де Кубертен му доделил награда за алпинизам на Шарл Гранвил Брус, кој предводел експедиција, која не успеала да се искачи на Монт Еверест во 1922 година.

Епилог

Во 1925 година била донесена одлука од страна на МОК, секои 4 години и во иста година со Летните, да се одржуваат и Зимски олимписки игри. Оваа традиција траела до 1992 година.

Во 1974 година бил доделен последниот медал од игрите во Шамони во 1924 година. Андерс Хауген, кој дотогаш се водел како четвртопласиран во скијачки скокови, бил одликуван со бронзен медал. По 50 години, било утврдено дека е направена грешка во резултатот на Торлиф Хауг, кој погрешно го освоил бронзениот медал, па со промената се променил пласманот на овие двајца натпреварувачи.

Во 2006, МОК дополнително ги додели освоените медали во карлинг од игрите во 1924. Од страна на МОК беше одлучено дека спортот, официјално бил дел од програмата на игрите, откако во весникот Glasgow Herald истото било објавено во корист на семејствата на натпреварувалчите во карлинг.

Спортови

Меали биле доделени во 16 дисциплини во 7 спортови. Според многу извори, спортовите карлинг и воена патрола биле демонстративи. Сепак, во 1924 немало такво именување на спортовите. Во 2006, МОК донесе правилник, според кој спортот карлинг е дел од редовната програма и медалите осовоени во овој спорт се додаваат на емдалите освоени во другите спортови.

Боб Брзо лизгање Карлинг Хокеј на мраз Уметничко лизгање

Нордиско скијање: Скијачко трчање Нордиска комбинација Скијачки скокови Воена патрола (спорт сличен на биатлон)

Распоред на натпревари

Во продолжение е даден распоред на натпреварите по натпреварувачки денови, но само во спортовите за кои биле доделени медали.

●

Церемония открытия

●

Квалификация соревнований

●

Финалы соревнований

●

Церемония закрытия

			24	25	26	27	28	29	30	31	1	2	3	4	5	Вкупно
Церемонии			●												●
Боб													1			1
Карлинг									1							1
Брзо лизгање					2	2										4
Нордиска комбинација														1		1
Скијачко трчање									1			1				2
Скијачки скокови														1		1
Воена патрола								1								1
Уметничко лизгање								1	1	1						3
Хокеј на мраз													1			1
Вкупно					2	2		2	3	1		1	2	2		15

Земји-учеснички

На игрите учествувале спортисти од 16 земји.

Австрија Белгија Италија Југославија Канада Латвија Норвешка Обединето Кралство

Полска САД Унгарија Финска Франција Чехословачка Швајцарија Шведска

Еден натпреварувач од Естонија бил пријавен за настап во брзо лизгање, но не се натпреварувал.

Освојувачи на медали

Место	Земја	Злато	Сребро	Бронза	Вкупно
1	Норвешка	4	7	6	17
2	Финска	4	4	3	11
3	Австрија	2	1	0	3
4	Швајцарија	2	0	1	3
5	САД	1	2	1	4
6	Обединето Кралство	1	1	2	4
7	Шведска	1	1	0	2
8	Канада	1	0	0	1
9	Франција	0	0	3	3
10	Белгија	0	0	1	1

Видете исто така

• Олимписки игри
• Зимски олимписки игри
• Меѓународен олимписки комитет

Надворешни врски

• Шамони 1924, МОК

Аикидо — модерна јапонска боречка вештина. Основана е во периодот од 1930. до 1960.годинa од г. Морихеи Уешиба (Morihei Ueshiba) (наречен од аикидоките - О сенсеи - што во превод значи Големиот учител). Технички, главните делови на аикидото се преземени од Daitō-ryū Aiki-jūjutsu (大東流合気柔術) , една школа на џуџуцу со многу придружни техники од кенџуцу (剣術, kenjutsu) - јапoнски вештини со меч. Една од позначајните причини за остварувањето на посебност на аикидото во однос на другите боречки вештини, е влијанието од сектата Оомото Кјо – Шинто огранок, каде што членувал Морихеи Уешиба. Поради влијанието што Шинто религијата го извршила за негово создавање, многумина мислат дека аикидото е нејзин израз, но тоа не е точно, за што ни сведочи и неговата распространетост ширум светот. Религијата е нешто што е потполно одвоено од аикидото.

Оној што вежба аикидо се нарекува аикидока.

Јапонскиот збор аикидо е составен од три слога,

• 合 - аи - складно здружување, хармонизација
• 気 - ки - енергија
• 道 - до - начин

Преведено како „Начин на хармонизирање со енергијата“, името потполно ја изразува смислата на оваа боречка вештина, која се состои во принципот на неотпор. Овој принцип подразбира аикидоката да не се потпира на својата физичка сила во текот на борбата туку со точни и навремени движења да успева да ги пренасочува нападите на противникот не блокирајќи ги и не судирајќи се со нив. Прочитајте повеќе