Металци

Металци („metalheads“ во англојазични земји) е популарен назив за луѓе кои слушаат хеви метал музика и припаѓаат на хеви метал поткултурата.

Танц

Некои движења на телото се речиси универзални во метал културата, како што се „удирањето со глава“ (англ. headbanging), „скокањето од бина“ (stage diving), шуткањето (moshing, pitting), сурфањето и скокањето во публиката (crowd surfing), и свирањето на невидливи гитари — „воздушна гитара“ (air guitar). Исто така се присутни и разни гестикулации со рака како познатите „ѓаволови рогови“.

Носија

Хеви метал носијата на раните 1980-ти се состоила главно од тексас фармерки, каубојки, црни маици и кожни јакни со навртки и пришивачи на бендови. Долга коса била речиси обврзна.

Во 1990-тите, металската мода малку се променила, во склад со појавата на поекстремни правци на металот, како дет метал, блек метал и гриндкор, како и под влијанието на гранџ и готик. Црната боја доаѓа повеќе до израз и црни тексас фармерки или маскирни панталони полека заменуваат сини тексас, кои сега претставуваат стил на одумдесетите. Мартинки главно заменуваат каубојки, а наместо јакни со навртки и пришивачи, сите сè повеќе ги носат популарните јакни „виетнамки“.

Иако долга коса понатака останува неразделив елемент на хеви метал културата, во 90-тите станува прифатена и кратка коса или избричена глава, највеќе под влијанието на Metallica, Кери Кинг од Slayer и Фил Анселмо од Pantera. За разлика од металците во 80-тите кои најчесто се бричеле, или носеа мустаќи, во 90-тите бради станаа популарни, а посебно тнр. „шилесто брадиче“.

Види исто така

• Хеви метал музика