Хетски јазик

хетски јазик 𒉈𒅆𒇷 nešili
Изговор:	нешили
Зборуван во:	Анадолија,
Регион:	Мала Азија
Исчезнување:	1100 п.н.е.
Јазично семејство:	индоевропско  Анадолски јазици   хетски јазик
Писмо:	Хетска азбука
Јазични кодови
ISO 639-1:	нема
ISO 639-2:	—
ISO 639-3:	—

Хетски или нешли е исчезнат јазик, некогаш зборуван од хетите во нивната Хетска Империја што се наоѓала во централна Мала Азија денес областа Анадолија во Турција. Јазикот бил зборуван од околу 1800 година п.н.е. па се до 1100 година п.н.е. Тука мора да се напомене дека поврзани јазици со хетскиот јазик продолжиле да се зборуваат во Анадолија и северна Сирија за уште неколку стотина години се до 700 година п.н.е. Последните записи на јазикот датираат од времето на падот на Хетската Империја.

Хетскиот јазик е еден од најстарите индоевропски јазици. Според карактеристиките на јазикот во поглед на морфологијата и фонетиката некои лингвисти сметаат дека јазикот не треба да се смета за индоевропски туку како сестринска фамилија на индоевропските јазици. Но денес сѐ уште се продолжува со теоријата на индоевропските јазици од 19 век.