Квадратна стапка

Квадратната стапка (англ. square foot) е британска / американска (неметричка) единица мерка за површина, која главно се употребува во САД, Обединетото Кралство и Канада. Мерката се дефинира како плоштината на квадрат со страни со должина од 1 стапка (0,333... јарди, 12 инчи, или 0,3048 метри). За споредба, просечната куќа за едно семејство во САД во 2007 г. била со вкупна подна површина (т.е. сите спратови заедно) од околу 2500 квадратни стапки.

Знаци

Не постои општо утврден знак за квадратна стапка, но во употреба се следниве:

• square feet, square foot, square ft
• sq feet, sq foot, sq ft, SF
• feet/-2, foot/-2, ft/-2
• feet^2, foot^2, ft^2
• feet², foot², ft²

Во архитектурата често се употребува, полниот назив или пак „по квадратна стапка“ (per square foot), додека за недвижности и планови на објекти се користи прост квадрат прецртан со дијагонална линија. Понекогаш мерката се запишува и како квадрат со вертикална линија што го дели на пола:

1 инч (inch) = 2,54 сантиметри

1 квадратен метар = 10,764 квадратни стапки

Претворање

1 квадратна стапка е еднаква на:

• Блок од 12 инчи на 12 инчи има површина од 1 квадратна стапка. 12 инчи се еднакви на 1 стапка.
• 144 квадратни инчи
• 1/9 квадратни јарди
• 0,01 „квадрати“ (американски). (Квадратот (square) е единица која се користи за мерење на површината на покриви во САД, а се користела и во Австралија пред метрикацијата (и оттогаш) за мерење на површината на куќа или стан. 1 „квадрат“ (square) = 100 sq ft (квадратни стапки))
• ≈0,00002295684 акри
• 92 903,04 квадратни милиметри
• 929,0304 квадратни сантиметри
• 0,09290304 квадратени метри
• 0,000000092903040 квадратни колометри

Употреба низ историјата

Пред метрикацијата, квадратната стапка се користела ширум Европа, како дел од народните мерни системи, кои значајно се разликувале од регион до регион. Еве некои примери:

• Баварска квадратна стапка = 0,0864751 m²
• Пруска квадратна стапка = 0,098504 m²
• Виенска квадратна стапка = 0,099921 m²
• Париска квадратна стапка = 0,105521 m²

Видете исто така

• Кубна стапка
• Величински редови (површина)
• Претворање на мерни единици
• Плоштина
• Површина
• Квадрат (алгебра), квадратен корен
• 1 E-1 m² за споредба со други површини