Еврејска автономна област

Далекуисточен федерален округ во Русија

Еврејска автономна област
=
Држава:	Русија
Округ:	Далекоисточен
Основана:	1934
Површина:	36.000 km²
Население:	190.915 ( 2002)
Главен град:	Биробиџан
Густина на население:	5,3 жит. на km²

Плоштадот во Биробиџан

Еврејската автономна област (рус Еврейская автономная область), (јидиш -ייִדישער אױטאָנאָמע געגנט/Yidisher Oytonome Gegnt) е автономна област во Русија. Еврејската автономна област е дел од Далекуисточниот федерален округ и се граничи со Хабаровскиот крај и Амурската област во Русија и со провинцијата Хејлонгџијанг во Кина.

Историја

Основана е за време на Сталин во 1928 и требала да послужи како нова матична држава за сите Евреи од СССР. Во прво време оваа идеа била позитивно оценета помеѓу Евреите. Меѓутоа, поради острата клима, но и политиката на Сталин во 1930-те години, малку Евреи се одлучиле за живот во оваа област. Максималната концентрација на Евреи била достигната непосредно после Втората светска војна кога се сметало дека областа е уточиште за еврејските бегалци. Тогаш третина од населението биле Евреи. Со основањето на Израел, опаднал интересот за живот во оваа далечна територија, така што во неа денес живеат само околу 2.300 Евреи.

Површината е 36.100 km², а живеат 186.541 луѓе (податоци од 2006).

Население

Според рускиот попис (2002) Еврејската автономна област има 190,915 жители.

Етнички групи по бројност се:

• Руси 171,697 (89.93%)
• Украинци 8,483 (4.44%)
• Евреи 2,327 (1.22%)
• Татари 1,196 (0.63%)
• Белоруси 1,182 (0.62%)
• Молдавци (0.35%) 594
• Азери (0.31%) 453
• Германци (0.24%) 402
• Корејци (0.21%) 401
• Мордовијанци (0.21%) 320
• Чуваши (0.17%) 282
• Ерменци (0.15%) 188
• Башкирци (0.10%) 156
• Узбеци (0.08%) 148
• Полјаци (0.08%) 132
• Роми (0.07%) 128
• Таџици (0.07%), 103
• Мари 102(0.05%)
• Кинези 102 (0.05%)

Вкупно се евидентирани 95 различни етнички групи. Наталитетот е за една мерна единица повисок од севкупниот руски просек.