Кралски академии во Шведска

Кралските академии се независни организации, основани со кралска наредба со цел да се развиваат уметностите, културата и науката во Шведска. Шведската академија и Академијата на науките се надлежни за избирање на добитниците на Нобеловата награда за литература, физика, хемија и економија. Групата академии опфаќа и неколку научни друштва, од кои три имаат добиено кралска повелба во текот на XVIII век.

Поради нивната научно-образовна дејност, академиите имаат ограничена даночна одговорност, дури и за приходите добиени од работење со нивните недвижности.

Во мај 2011 Кралската академија на науките ја основала Шведската младинска академија за млади научници.

Уметност и култура

• Шведска академија (Svenska Akademien)
• Кралска академија на уметностите (Kungl. Akademien för de Fria konsterna)
• Кралска музичка академија (Kungl. Musikaliska Akademien)
• Кралска академија на книжевноста, историјата и старините (Kungl. Vitterhets-, Historie- och Antikvitetsakademien)

Наука

• Кралска академија на науките (Kungl. Vetenskapsakademien)
• Кралска академија на инженерските науки (Kungl. Ingenjörsvetenskapsakademien)
• Кралска академија на земјоделството и шумарството (Kungl. Skogs- och Lantbruksakademien)

Воена наука

• Кралска академија на воените науки (Kungl. Krigsvetenskapsakademien)
• Кралско друштво за поморски науки (Kungl. Örlogsmannasällskapet)

Друштва со кралска повелба

• Кралско научно друштво во Упсала (Kungl. Vetenskapssocieteten i Uppsala)
• Кралско физиографско друштво во Лунд (Kungl. Fysiografiska Sällskapet i Lund)
• Кралско научно-книжевно друштво во Гетеборг (Kungl. Vetenskaps- och Vitterhetssamhället i Göteborg)
• Кралско Шитево друштво во Умео (Kungl. Skytteanska Samfundet)
• Кралска академија „Густав Адолф“ во Упсала (Kungl. Gustav Adolfs Akademien)