Ајдутство

Ајдутството претставува најстара и најдолготрајна форма на вооружен отпор а се појавило во 16 век . Ајдути станувале најчесто смелите луѓе, а најмногу имало селани. Биле организирани во ајдутски дружини на чело со војвода, арамбаша кој самите го избирале.

Своите акции ги почнувале на пролет, а на есен се засолнувале кај своите јатаци. Ајдутите најчесто организирале заседи и напаѓале ненадејно.

Тие ги напаѓале и ограбувале турските феудални имоти, ги кршеле алатките, ги палеле амбарите. Против ајдутство биле организирани потери, а фатените ајдути и јатаци биле јавно казнувани.

Ајдутството продолжило и се засилило и во наредните векови и било опеано во многу ајдутски народни песни.