Јакупица

Предлошка:Никулец за планина Јакупица или Мокра Планина е планински масив во централна Македонија. Составена е од повеќе планински делови: Даутица, Голешница, Караџица, Китка и Осој. Највисок и најзабележлив врв е Солунска Глава, висок 2540 метри. Планинскиот масив е настанат во терциерот, со раседнување. Јадрото е составено од гнајс и од кристалести шкрилци, а над нив се наоѓаат дебели слоеви на мезозојски варовници и доломити. На планината се наоѓаат траги од ледената епоха, претставени преку циркови (две езера), валови и морени. Јакупица е богата со разновидна флора и фауна, пасишта, извори - врела и др.

Пред повеќе од 300 год.над Чеплсека,на 3-км северно од денешното село Папрадиште,се наоѓало селото Чеплез,чии руини се уште видливи и чие име денес го носи домот под врвот Солунска глава.Селото Чеплес било разделено со една рекичка на две маала.Во едното живеел Јакуб со своето семејство ,а во другото Даут, исто така со не мал род.И двете семејства се занимавале со сточарство и живееле во мир.Но еден ден едните им го убиле кучето на другите и започнала вистинска војна со многу жртви од двете страни.Малкумината останати живи се одселиле.Даут се населил над Орешка планина која денес се вика Даутица.Јакуб ја запоседнал територијата на масивот Мокра планина која денес го носи името Јакупица.Највисокиот и најубавиот врв го носи името Солунска Глава.Во 1924 год. група војници и еден офицер од тогашна Југославија биле на логорување во реонот околу врвот.Една тивка вечер офицерот покажал кон треперливите светулки во далечината низ Повардарието,велејќи им на војниците дека тоа е Солун.Така се родило новото име Солунска Глава.Се разбира Солун не може да се види но името останало.Планинскиот масив е многу богат со води и од него извираат Маркова , Кадина и Патишка река во северниот дел (Скопско) и Тополка и Бабуна на југ (Велешко).