Партија за демократски просперитет

Партијата за демократски просперитет (ПДП) е политичка партија на етничките Албанци во Република Македонија. Основана е на 15 април 1990. Од 1992 до 1998 ПДП е дел од коалиционите влади предводени од СДСМ. По парламентарните избори од 1998 година, ПДП преминува во опозиција и оттогаш поддршката за ПДП почнува драстично да опаѓа. Некогашната најсилна партија кај етничките Албанци во Република Македонија, на парламентарните избори во 2002 година освои само 2,3% од гласовите и само два мандати во Собранието. На парламентарните избори 2006 година настапи во коалиција со Демократската унија за интеграција и освои три мандати. По изборите ПДП беше во опозиција, но во мај 2007 година партиското раководство одлучи да ја прифати понудата на премиерот Никола Груевски да влезе во владината коалиција, добивајќи го министерството за локална самоуправа.

Во моментот претседател на ПДП е Абдулади Вејсели, а негови претходници беа: Невзат Халили, Абдураман Алити и Имер Имери.