Експресионизам

Експресионизам е правец во уметноста (ликовната и музичката) и во литературата со средиште во Германија, а својот врв го доживува во годините околу Првата светска војна.

Идеја и појава

Експресионизмот тежнее кон изразување на внатрешните напнатости, екстатичности, визионерството. Во ликовната уметност се забележува посебно акцентирање на боите, а како претходник во слиакрството се смета Ван Гог.

Во литературата, се карактеризира со истакнување на лирски и драмски форми со слободен стих, екстатичен тон, хиперболичен израз.

Експресионистите ја отфрлаат идејата за прекрасното во вид на склад, хармонија и остварено единство на надворешното и внатрешното. Затоа експресионистите ќе „запрат“ и кога нешто не е докрај доречено. Во сето ова има нешто што потсетува на романтизмот. Оваа сличност не е случајна: и двата равца се спротивставуваат на реализмот.

Експресионизмот зазема посебно место меѓу уметничките правци затоа што зафаќа релативно најшироко подрачје и остава траги сè до наши дни.

Надворешни врски

• Hottentots in tails A turbulent history of the group by Christian Saehrendt at signandsight.com
• Expressionism
• The Official Website of the Norris Embry Estate A free educational resource on Expressionism, including a large collection of expressionist paintings by the American artist Norris Embry (1921–1981).
• German Expressionism A free resource with paintings from German expressionists (high-quality).