Португалија

Португалска Република República Portuguesa
Знаме Грб
Химна: „A Portuguesa“
Местоположбата на  Португалија  (портокалова) – на Европскиот континент  (окер и бела) – во Европската Унија  (окер)  —  [Легенда] Местоположбата на  Португалија  (портокалова) – на Европскиот континент  (окер и бела) – во Европската Унија  (окер)  —  [Легенда]
Главен град (и најголем)		Лисабон5 38°46′N 9°11′W
Службен јазик		Португалски1
Признаени регионални јазици		Мирандешки
Демоним		Португалец
Уредување		Парламентарна република
•	Претседател	Анибал Каваку Силва
•	Премиер	Жозе Сократеш
Формирање		Општопризнат датум на независност е 1139
•	Основање	868
•	Реосновање	1095
•	Де факто суверенитет	24 јуни 1128
•	Кралство	25 јули 1139
•	Призната	5 октомври 1143
•	Папско признавање	1179
пристапила во ЕУ		1 јануари 1986
Површина
•	Вкупна	92,345 км2 (110та)
•	Вода (%)	0,5
Население
•	проценка за јули 2007 г.	10.848.692 (75та)
•	Попис 2001	10.148.259
•	Густина	114 жит/км2 (87ма)
БДП (ПКМ)		проценка за 2006 г.
•	Вкупен	$232.000.000.000 (40та)
•	По жител	$23.464 (2007) (34та)
ИЧР (2005)		▼ 0,897  · 29та
Валута		Евро (€)² (EUR)
Часовен појас		ЗЕВ³
•	(ЛСВ)	ЗЕЛТ (UTC0)
НДД		.pt4
Повик. бр.		351
1.	Мирандешкиот јазик, кој се зборува во некои села на општината Миранда до Дуро, бил официјално признат во (Lei n.° 7/99 de 29 de Janeiro), оттогаш давајќи му официјално право на користење на мирандешкиот на јазичното малцинство кое го засега. Португалскиот знаковен јазик е исто така признат.
2.	Пред 1999: Португалско ескудо.
3.	Азори: УКВ-1; УКВ во лето.
4.	Доменот .eu се користи исто така, бидејќи е заеднички за сите земји-членки на Европската Унија.
5.	Коимбра бил главен град на државата од 1139 до околу 1260.

Португалија (португалски: Portugal) е демократска република лоцирана на западниот и југозападниот дела на Иберискиот Полуостров во југозападна Европа; таа е најзападната земја во континентална Европа. Португалија се граничи со Шпанија на север и исток и со Атлантски Океан на запад и југ. Во продолжение, Португалија содржи неколку острови сред Атлантикот, вклучувајќи ги Азурите (Açores) и Мадеира.

Главен град на Португалија е Лисабон. Вкупно население на Португалија е 10,524,145 жители.

Историја

Името „Португалија“ само по себе открива делови рани од историјата на оваа земја - таа потекнува од римското име Portus Cale, можна мешавина на грчко и латинско име кое значи "Убаво пристаниште". Просторот на денешна Португалија во текот на историјата бил населуван од страна на многу народи ицивилизации, како ибери, келти, фенекијци, картагенци, грци, германи и маври.

Португал е името за една од најстарите европски нации. Португалија во текот на 15 век и 16 век успеала да го прошири своето влијание. Славни личности од тие векови се: Фернандо Магелан кој го опколил светот, Бартоломео Диаз кој достигнал до Р'т Добра Надеж и источниот крај на Африка, Васко де Гама и др. Крајот на 16 век, Португалија за прв пат во историјата ја изгубила независноста, и тоа под власт на Шпанија преку кое почнало пропаѓање на Португалија како велесила.

Португалија продолжила да ја губи својата политичка и економска сила поради неколку причини, пред се Лисабонскиот земјотрес од 1755 година, подемот на Наполеон Бонапарта, стекнување на независност на Бразил во 1822 година и граганската војна помеѓу либералите и апсолутистите. Во 1910 година била укината монархијата. Во 1975 година Протугалија дала независност на своите преостанати колонии.

Португалија е една од основачите на НАТО алијансата, а од 1986 година е член на ЕУ.

Географија и клима

Португалија е држава на западниот и југозападниот дела на Иберискиот Полуостров. Граничи со Шпанија на север и исток и со Атлантски Океан на запад и југ. Во продолжение, Португалија содржи неколку острови сред Атлантикот, вклучувајќи ги Азурите (Açores) и Мадеира. Португалија е една од најтоплите држави во Европа со атланско-медитеранска клима. Пролетта и летото обично се топли а во јули и август температурите се движат од 30–35 °C во централниот дел и до 45 °C во внатрешноста и јужниот дел на земјата. Есента и зимата се врнежливи а температурите достигаат до -5 °C. Снежни врнежи има на повисоките места во планинските предели на север. Средните годишни температури се движат од 13 °C на север и 18 °C на југ. Источниот дел од Португалија е претежно планински, додека западниот е низински. Северниот е планински, каде течат реките Мињо и Доуро.

Религија

Најголема религија во Португалија е Римокатоличката. Околу 84% од населението се католици, но само околу 19% присуствуваат редовно на неделните литургии. Сепак, голем број од Португалците сакаат да бидат крстени, оженети во црквата и слично. Иако црквата и државата формално биле разделени за време на Првата Португалска република (1910-1926), со уставот од 1976 година, Римокатоличката црква продолжила да има голема улога во португалското општество и култура. Многу португалски празници, фестивали и традиции, имаат религиозно потекло. Иако црквата и државата се формално одвоени, Католичката црква се уште добива одредени привилегии во земјата.

Денеска, најголемиот дел од португалското население е римокатоличко односно 84.5% од вкупниот бој на населението се католици, а околу 2.2% припаѓаат на други христијански организации.