Интегрално коло

Интегрално или интегрирано коло е микронски електронски уред кој се состои од повеќе споени транзистори.

Интегралното коло се состои од куќиште, кое е од пластика или керамика, изводи со кои се поврзува на печатена плочка чипови во средината на интегрираното коло, кој со изводите најчесто е поврзан со многу тенки златни проводници

Бројот на изводи зависи од типот на интегрираното коло т.е. од неговата функција и може да се каже дека тој број на изводи е стандард за различни функции.

За разлика од транзисторите, интегралното коло во себе содржи цели електронски шеми со различни делови како што се транзистори, отпорници, кондензатори и др.

Постои цел спектар на различни интегрирани кола кои извршуваат различни функции, некои од нив се:

• микропроцесор
• меморија
• РОМ
• засилувачи
• пулсен коден модулатор, кодер/декодер
• модем и др.

Заради големиот број на елементи на мал простор често има потреба да се ладат со дополнителни уреди. Тоа е редовен случај кај микропроцесорите.

Интегралните кола предвидени за стандардна употреба имаат температурен опсег од 0 до +55 °C, додека за воените употреби тој опсег опфаќа од -15 до +70 °C.