Операција Оверлорд

Денот Д или Операција Оверлорд се нарекува воената инвазија на сојузниците од Англија врз Нормандија, преку каналот Ла Манш, која започнала на 6. јуни 1944.

Ова била една од завршните операции од Втората светска војна, со која започнала офанзивата на сојузниците врз силите на Нацистичка Германија од запад, и нивно постепено повлекување кон исток, кон Германија, од претходно окупираните територии на Франција, Бенелукс и Данска. Истоварот на сојузничката војска започнало во 6 часот и 30 минути наутро, а први на брегот прстигнала американската армија на кои што им предтстоело да направат мостобран во западната зона на Нормадиското подрачје. Еден час подоцна започнал нападот на британските војници на источната зона. Четвртата америчка дивизија на генерал Теодор Рузвелт вршела истовар во секторот Јутах. За жал неколку бродови на кои што се преезувале единиците налетале на мини. Потонал еден од десантните бродови со 4 амфибиски тенка. Изгубен е и еден разурнувач а во настанатиот метеж првиот бран на трупите биле истоварени 1,5 км јужно од планираното што на крајот испаднало како среќна околност. Дваесет и пет километри источно од Јутах, се наоѓал секторот Омаха на кој што се истоварил 5 корпус на првата американска армија. Овде одбраната ја држела 352-та пешадиска елитна дивизија која стигнала неколку недели пред самиот напад. А во текот на десантот таа извршувала вежба одбрана на напад од море, па истата се наоѓала во полна борбена готовност. Тоа во голема мерка допринело вешто да ги амортизираат нападите на сојузничката флота и нападите од воздух. Настанал вистински пекол а во општиот хаос на брзина биле спуштени 64 амфибиски тенка, но едвај половина од нив успеала да се приграби до брегот. Високите бранови потопиле 27 тенка, а пет до шест биле уништени од противничката артилерија. Исто така потонале 28 од вкупно 30 хаубици кои што биле превезувани во десантни чамци од типот патка. Американскиот корпус претрпел големи загуби а многу војници и оклопни возила биле истоварени на погрешни места со што била изгубена врската со главницата. Меѓутоа првичните оценки и проценки лажеле па така Американците и покрај значителните загуби успелае да се прошират правејќи го мостобранот во секторот Омаха. Во тоа значителна помош им пружала артилеријата од ратните бродови и доминацијата на небо од нивната авијација. До касно во ноќта на 6 јуни, сојузниците воспоставиле три мостобрана на Нормандискиот брег во должина од 2 до 9 км. Се истовариле 8 дивизии (3 воздушно-десантни и 5 пешадиски) и една оклопна бригада со вкупно 156000 луѓе.