Сметач

Деца користат сметачи.

Сметач (или компјутер, од англ. computer) е електронски уред кој се користи за обработка на податоци според строго одредена процедура.

Најпрво, обработката на информации со сметачите била ограничена исклучиво на аритметички проблеми, но современите сметачи се користат и за многу задачи неврзани со математика. Оваа дефиниција опфаќа механички уреди како што е шибер, разни механички пресметувачи од абакус па натаму, како и сите современи електронски пресметувачи. Некогаш постоела поделба на аналогни и дигитални електронски сметачи, но со време аналогниот изумрел па денес поимот сметач се однесува исклучиво на дигитален сметач. Современите пресметувачи (сметачи) се појавиле во педесетите години од дваесетиот век, а работеле така што податоците се припремале на издупчени картици и потоа преку посебни оптички читачи се внесувале во сметачот каде понатаму се вршела обработка на податоците. Резултатот се прикажувал на монитор или со помош на принтер се принтале на хартија. Во седумдесетите се појавиле џебните пресметувачи, кај нас познати под името дигитрони.

Главни сметачи

Главен сметач во 70-те години

Скоро истовремено се воведени оддалечени (тн. „глупи“) терминали кои имале монитор и тастатура за внос на податоци во едно куќиште но обработката на податоците и поната се вршела во главниот (и единствен) сметач. Подоцна се појавиле и „интелигентни“ терминали кои дел од операција можеле да го извршуваат сами. Википедија, денес, е во електронска смисла организирана на сличен начин - главниот сметач е во САД, а интелигентните терминали кај корисникот. Интернетот има улога на „мрежа“.

Домашни сметачи

По пронаоѓањето на интегралните кола, а помеѓу нив посебно микропроцесори и мемориски интегрални кола кон крајот на шеесетите години, во седумдесетите се појавиле домашните сметачи од типот Apple, Sinclair (ZX Spectrum, ...), Галаксија, Commodore (VIC, 64, ...) итн... Главна намена им била да служат како скромни процесори на текст, малку вкрстени табели и, најважно, игри. Иако не треба да се заборави дека сметачот, ако говориме за професионална примена, во 80% од случаите се користи како обработка на текст.

Лични (персонални) сметачи

Во почетокот на осумдесетите се појавиле и првите лични сметачи. По многу краток период на пазарот останале две јаки фирми IBM (ај-би-ем) и Apple (Епл - јаболко). И додека IBM го зафати пазарот за деловни луѓе со својот личен сметач IBM PC, Apple својот сметач Apple Lisa го намени за научниците и уметниците со графика. Благодарение на тн "отворена архитектура" - јавно објавена електрична шема на сметачите и слободни жлебови на матичната плоча, им овозможило на другите фирми да развијат околу 4000 различни штампани плочи кои со поставување во IBM PC сметачите можеле да извршуваат и многу други додатни различни функции (управување со роботи, мерни инструменти, медицински уреди, технолошки процеси во фабрики, мелкари, пиварници, кланици и сл.)

==Големи сметачи== (мејнфрејмови)

Видете исто така

• Личен сметач