Црква на Англија

Црква на Англија
Church of England

Лого на Црквата на Англија од 1996.
Вид	Англиканска од 1534, претходно римо-католичка (597-1534)
Седиште	Катедралата во Кентербери
Место	Кентербери, Кент, Велика Британија
Регион	Велика Британија, Островот Ман, Каналските острови
Членство	26 милиони верници и 20.259 свештеници
Архиепископ од Кентербери	Роуан Вилијамс
Мреж. место	www.cofe.anglican.org

Катедралата во Кентербери која е седиште на Архиепископот од Кентербери.

Црквата на Англија или Англиканската црква е официјална христијанска црква во Англија и мајка-црква на англиканските цркви ширум светот.

Црквата на Англија се смета себеси и за католичка и за реформирана (протестантска): католичка е бидејќи смета на својот континуитет од апостолските и средновековните времиња и се потпира на најраните учења на првите црковни татковци, особено на Апостолскиот, Никејскиот и Атанасијскиот Завет. Покрај тоа, таа е и реформирана бидејќи го примила влијанието на некои доктринарни принципи од Реформацијата од 16 век. Ова се гледа од 39-те прописи воспоставени од кралицата Елизабета I како дел од помирувањето на религијата во Англија. Обичаите и литургијата во Англиската црква се засноваат на постарите католички традиции, но се осовременети под влијанието на Реформацијата.

Црквата на Англија се осамостоила од католичката во времето на Хенри VIII, и оттогаш англискиот монарх го назначува Архиепископот од Кентербери кој е поглавар на црквата.