Меѓународен олимписки комитет

Меѓународен Олимписки Комитет

Знаме на МОК
Кратенка	МОК
Основана	23. јуни 1894.
Вид	Движење
Цел	Промоција на олимпизмот ширум светот и водство на Олимпиското движење.
Седиште	Лозана, Швајцарија
Членство	205 Национални олимписки комитети
Службени јазици	Англиски, Француски
Мреж. место	http://www.olympic.org

Меѓународниот Олимписки Комитет (МОК) (англиски: International Olympic Committee, француски: Comité International Olympique) е организација со седиште во Лозана, Швајцарија основана од Пјер де Кубертен во 1894., со цел преку Олимписките игри да се промовира меѓународниот спорт и мирот во светот. Денес МОК има 205 членки - национални олимписки комитети кои ги претставуваат своите земји во Движењето.

МОК ги организира модерните Олимписките игри во лето и во зима, на секои четири години. Првите Летни Олимписки игри се одржале во Атина во 1896, а првите Зимски Олимписки игри се одржале во Шамони во 1924. Од 1992., летните и зимските игри се одржуваат наизменично на 2 години.