Ратко Младиќ
| Ратко Младиќ (српски: Ратко Младић) | ||
| ||
| Роден | 12 март 1942 Божановиќи, Босна и Херцеговина | |
|---|---|---|
| Познат | Командант на Војската на Република Српска | |
| Занимање | Воен офицер, генерал | |
Ратко Младиќ (српски: Ратко Младић), бил начелник на генерал-штабот на Војската на Република Српска, војска на босанските Срби, во текот на Босанската војна од 1992-1995, а во моментов е затвореник во Меѓународниот суд за воени злосторства во поранешна Југославија во Хаг, Холандија.
Ратко Младиќ е роден на 12 март 1943 година во селото Божиновиќи, општина Калиновик, Кралство Југославија, (денешна Република Српска, Босна и Херцеговина).
Младиќ бил на повеќе високи функции во ЈНА, а долго време (1965-1989) поминал и како висок офицер во третата армиска област на ЈНА со седиште во Скопје.[1]
Во април 1992 година воениот командант на Босанските Срби, Ратко Младиќ вонредно бил унапреден во чин генерал-потполковник, и веднаш бил поставен за началник на штабот и заменик на командант во Командата на Втората воена област на Југословенската народна армија во Сараево. Пензиониран бил во 2001 година, а пензија редовно земал до ноември 2005 година, кога под притисок на западните држави му била укината. На 12 мај истата година со одлука на Народното собрание на Република Српска во Бања Лука и на предлог на Радован Караџиќ бил именуван за командант на Главниот штаб на Војската на Република Српска, и на таа должност останал до 1996 година. Чинот генерал-полковник го добил на 24 јуни 1994 година.
Хашкиот трибунал првото обвинение против Ратко Младиќ го подигнал на 25 јули 1995 година за геноцид и други злосторства сторени врз цивили на територија на БиХ. Второто обвинение било потврдено на 16 номеври истата година, и се однесувало на случувањата во Сребреница од јули 1995 година. Изменетото обвинение било потврдено на 11 октомври, во него биле обединети првото и второто и бил намален вкупниот број на обвиненија: шест точки за кршење на законите и обичаите на војување, седум точки за злосторство против човештвото и две за геноцид.
По Младиќ се води меѓународна потрага за да биде изведен на судење за обвинувањата за геноцид и воени злосторства во врска со опсадата на Сараево (1992-1995) и масакрот во Сребреница (1995) пред Меѓународниот суд за воени злосторства во поранешна Југославија во Хаг.[2]
Апсење[уреди | уреди извор]
По вториот инфаркт на Генерал Ратко Младиќ сите документи за доказ дека тој не е надвор од законите му беа одземени од српската власт.
Генерал Ратко Младиќ е уапсен на 26 мај 2011 година во Лазарево кај Зрењанин. Веста за апсењето ја потврди претседателот на Република Србија - Борис Тадиќ на прес конференција во Белград.
Наводи[уреди | уреди извор]
- ↑ „International Criminal Tribunal for the Former Yugoslavia“. UN. Посетено на 2008-07-26.
- ↑ Ratko Mladic - Amended Indictment, from the UN ’s website, 10 октомври 2002
|