Пит Сампрас

Од Википедија — слободната енциклопедија
Сампрас во 2008 година.

Петрос „Пит“ Сампрас (на англиски: Petros Pete Sampras, 12 август 1971, Вашингтон) е бивши професионален американски тенисер со грчко-еврејско потекло. Во текот на неговата 15 годишна кариера освоил 14 Гренд Слем турнири од 52 обида (две на Отвореното тениско првенство на Австралија, седум на Вимблдон и пет на Отвореното тениско првенство на САД). Сампрас на АТП листата бил светски број 1 тенисер скоро шест години или вкупно 286 недели, што е рекорд во машка сингл конкуренција.

Сампрас на Вимблонд освоил седум титули (рекорд на сите времиња кој го дели со Вилијам Реншав) и 5 титули на Отвореното тениско првенство на САД (рекорд кој го дели со Џими Конорс и Роџер Федерер). Бад Колинс го прогласил за еден од петте најдобри тенисери на сите времиња,[1] а тенискиот магазин „Tennis Magazine“ го именувал за најдобар тенисер од 1965 до 2005 година.[2] На 17 јули 2007 Сампрас бил вклуен во „Меѓународната тениска сала на славните“.[3]

Наводи[уреди | уреди извор]

  1. „Bud Collins: Top five men's stars of all-time“. MSNBC. Посетено на 14 февруари 2007.
  2. „40 Greatest Players of the Tennis Era“. Tennis magazine. Посетено на 14 февруари 2007.
  3. „Hall of Famers. Home to the Legends of Tennis“. International Tennis Hall of Fame. 2006. Посетено на 25 февруари 2008.