Марина Вјазовска
| Марина Вјазовска | |
|---|---|
 Вјазовска во 2013 г. | |
| Роден(а) | 1984 (воз. 39–40 г.) |
| Живеалиште | Швајцарија |
| Државјанство | Украина |
| Полиња | математика |
| Установи | |
| Образование |
|
| Теза | „Modular Functions and Special Cycles“ (2013) |
| Докторски ментор | Дон Цагир |
| Познат по | сферно пакување |
| Поважни награди | награда „Салем“ (2016) награда на математичниот институт „Клеј“ (2017) Филдсов медал (2022) |
| Страница | |
| math.hu-berlin.de/~viazovsm/ | |
Марина Вјазовска[1] (украински: Марина В'язовська);[2] родена во 1984 година)[3] е украинска математичарка, позната по тоа што во 2016 година го решила проблемот на сферно пакување во димензијата 8[4][5][6] а во соработка со други научници, во димензијата 24.[7][8] Претходно овој проблем бил решен само за три или помалку димензии, а доказот за тридимензионалната верзија (Кеплерова претпоставка) барал исцрпни компјутерски пресметки. Наспроти ова, доказот на Вјазовска за димензиите 8 и 24 е „неверојатно едноставен”.[8]
Како студент на киевскиот национален универзитет „Тарас Григорович Шевченко“, Вјазовска се натпреварувала на меѓународниот математички натпревар за универзитетски студенти во 2002, 2003, 2004 и 2005 година и била меѓу првите во 2002 и 2005 година.[9] Дипломирала во 2010 година на Институтот за математика при Националната академија на науките на Украина,[2] а во 2013 година докторирала на Универзитетот во Бон. Нејзината докторска дисертација, Модуларни функции и специјални циклуси, се занимава со аналитичка теорија на броевите, а ментор ѝ бил Дон Цагир.[10]
Покрај тоа што е позната по својата работа на полето на сферното пакување, Вјазовска е позната и по своето истражување на сферните дизајни, што го вршела во соработка со Бондаренко и Радченко. Заедно со нив ја докажала претпоставката на Коревар и Мејерс за постоење на мали шари во произволните димензии. Овој резултат бил едан од придонесите за кои нејзиниот соработник Адриј Бондаренко ја освоил наградата „Васил А. Попов“, во 2013 година.[11]
Во јули 2022 г. Вјазовска била наградена со престижниот Филдсов медал.[12][13]
Наводи[уреди | уреди извор]
- ↑ „List of participants – FM2009 Conference "Functional Methods in Approximation Theory and Operator Theory III, dedicated to the memory of V. K. Dzyadyk (1919–1998)"“. Institute of Mathematics of NAS of Ukraine. 2009. Посетено на 8 April 2016.
- ↑ 2,0 2,1 „Вязовська М.С.“, Catalogues (украински), Vernadsky National Library of Ukraine, Посетено на 2016-04-06
- ↑ Maryna Viazovska (германски), German National Library, Архивирано од изворникот на 2018-07-30, Посетено на 2016-04-07
- ↑ Knudson, Kevin (March 29, 2016), „Stacking Cannonballs In 8 Dimensions“, Forbes
- ↑ Morgan, Frank (March 21, 2016), „Sphere Packing in Dimension 8“, The Huffington Post
- ↑ Loos, Andreas (March 21, 2016), „So stapeln Mathematiker Melonen“, Die Zeit (германски)
- ↑ Grossman, Lisa (March 28, 2016), „New maths proof shows how to stack oranges in 24 dimensions“, Daily News, New Scientist
- ↑ 8,0 8,1 Klarreich, Erica (March 30, 2016), „Sphere Packing Solved in Higher Dimensions“, Quanta Magazine
- ↑ IMC official results: 2002, 2003, 2004, and 2005. Accessed 2016-04-07.
- ↑ Viazovska, Maryna (2013), Modular Functions and Special Cycles, Doctoral dissertation, University of Bonn
- ↑ Popov Prize previous winners, University of South Carolina, Interdisciplinary Mathematics Institute, Архивирано од изворникот на 2015-10-31, Посетено на 2016-04-02
- ↑ „Ukrainian Viazovska wins Fields Medal 2022“. www.ukrinform.net. Архивирано од изворникот 7 July 2022. Посетено на 5 July 2022.
- ↑ „Fields Medal | International Mathematical Union (IMU)“. Архивирано од изворникот 26 December 2018. Посетено на 5 July 2022.
| ||||||
|