Ко Ун
 Ко Ун | |
|---|---|
 | |
| Изворно име | 고은 |
| Роден/а | 1 август 1933 Кунсан, Кореја |
| Занимање | поет, романописец, есеист |
Ко Ун (корејски: 고은; р. 1 август 1933)[1] — јужнокорејски поет, романописец и есеист чии дела се преведени во преку 15 земји. Повеќепати бил затворан како борец за демократија во Кореја, а на неколку наврати бил во потесниот круг за Нобеловата награда за литература.[2]
Во 2014 г. Ун ја добил престижната награда „Златен венец“ на Струшките вечери на поезијата.[3]
Живот[уреди | уреди извор]
Роден е во 1933 г. како Ко Унте (고은태) во градот Кунсан, во покраината Северна Чола.
Како средношколец претрпел значајни трауми поради страдањата на неговото семејство и другари во Корејската војна. Во моменти на пхихолошки тешкотии, си го оштетил слухот истурајќи си киселина во ушите во обид да се самоубие. Во 1952, пред крајот на војната се замонашил во будистички манастир. По десет години решил да му се врати на световниот живот и ѝ се посетил на поезијата. Од 1963 до 1966 г. живеел во островската покраина Чеџу, каде отворил добротворно училиште, а потоа се преселил во Сеул. Во 1970 г. повторно се соочил со психолошки тегоби и направил втор обид за самоубиство.
Кон крајот на 1972 г. владата на Јужна Кореја го донела Јусинскиот устав со цел да ја ограничи демократијата во земјата. Иако сето време творел, Ун се активирал во демократското движење и станал политички активен, поради што се соочил со четири затворски казни (1974, 1979, 1980 и 1989). Во мај 1980 г. за време на државниот удар под водство на Чун Ду-хван, Ун бил обвинет за предавство и осуден на 20 години затвор. Излегол од затвор во 1982 г. со општо помилување на политичките затвореници.
Иако уживал голема популарност, по ослободувањето водел повлечен живот. На големо изненадување на јавноста се зафатил да ги преработува напишаните песни. Во 1983 г. се оженил и се преселил во градот Ансонг, во покраината Кјонги. Продолжил да пишува и почнал да патува по разни краишта, што му послужило како тематика во неговите творби. Од 2007 г. е вонреден професор по поезија и книжевност на Сеулскиот национален универзитет.
Ви 2011 г. е прогласен за „почесен островјанин“ на Чеџу.[4]
Дела[уреди | уреди извор]
Ун почнал да објавува во 1958 г.[5] Досега издал околу 135 дела поезија, романи на будистичка тематика, автобиографија, една драма, есеи, преводи од класичен кинески јазик, патописи и друго.[3]
Книжевни награди[уреди | уреди извор]
- Корејска награда за книжевност (1974, 1987)[6]
- Манхеева книжевна награда (1989)[7]
- Џунганова книжевна награда (1992)[8]
- Десанова книжевна награда (1993)[9]
- Манхеева поетска награда (1998)
- Енгвански орден за културни заслуги (2002)[10]
- награда „Данџе“ (2004)[11]
- „Доцнопролетна награда на обеднувањето“ (2005)[12]
- Бјернсонова награда за слободно изразување — Орден за книжжевност (2005)
- награда „Цикада“ (2006)
- поетска награда „Јонгранг“ (2007)
- Грифинова награда за животно дело (2008)
- Награда за книжевност на Корејската академија на уметностите (2008)[13]
- книжевна награда „Америка“ (2011)
- „Златен венец“ на Струшките вечери на поезијата (2014)[3]
Поврзано[уреди | уреди извор]
Наводи[уреди | уреди извор]
- ↑ други извори наведуваат 11 април
- ↑ "Hopes high for Ko Un’s chance for Nobel prize" Архивирано на 6 март 2012 г.. The Korea Herald. 7 октомври 2010
- ↑ 3,0 3,1 3,2 „Ко Ун е добитник на „Златниот венец" за 2014 година“. Струшки вечери на поезијата. 21 февруари 2014. Архивирано од изворникот на 2014-03-01. Посетено на 21 февруари 2014.
- ↑ http://news.zum.com/articles/270605
- ↑ 1958년 『현대문학』에 <봄밤의 말씀>, <눈길>, <천은사운> 등이 추천되어 등단.
- ↑ 한국문학작가상 수상(1975)
- ↑ 제3회 만해 문학상 수상(1989)
- ↑ 중앙문화대상 예술상 수상(1992)
- ↑ 대산문학상
- ↑ 은관문화훈장
- ↑ http://www.munhwa.com/news/view.html?no=2004051101012714123003
- ↑ „архивски примерок“. Архивирано од изворникот на 2014-01-17. Посетено на 2014-02-22.
- ↑ „архивски примерок“. Архивирано од изворникот на 2014-04-13. Посетено на 2014-02-22.
Надворешни врски[уреди | уреди извор]
 |
„Ко Ун“ на Ризницата ? |
Викицитат на корејски има мисли на или за Ко Ун
- Биографија и дела на Ко Ун[мртва врска] — Струшки вечери на поезијата (македонски)
- Портал на Ко Ун (корејски) (англиски)
| ||||||||||||||||
|