Ивајловград

Ивајловград,
Бугарија

Област	Хасковска
Општина	Ивајловград
Население	3 894 (според 2011^[1])
Регистарска ознака	X (BG)
Градоначалник	Стефан Танев
Надморска височина	104 м
Портал	http://www.ivaylovgrad.org/
Координати:	41° 32′ С, 26° 8′ И

Ивајловград (бугарски: Ивайловград) е град во Бугарија кој се наоѓа во југоисточниот дел од земјата, недалеку од границата со Грција. Градот е административен центар на истоимената општина во Хасковската област. Старото име му е Ортаќој.

Географија[уреди | уреди извор]

Ивајловград се наоѓа во крајните делови на Источните Родопи, по средниот тек на реката Арда. Регионот на Ивајловград има супмедитеранска клима. Во околината на градот се наоѓаат езерото „Ивајловград“, хидроелектраната „Ивајловград“ и граничниот премин Ивајловград-Кипринос.

Историја[уреди | уреди извор]

Византиските епархиски списоци од 9-10 век го споменуваат градот како центар на владиката со името Љутица на местото на денешниот Ивајловград. Според Јован VI Кантакузин (1347-1354) неговата пешадија пристигнала до тврдина во 1342-1343. Населбата била уништена од страна на Отоманските Турци за време на нивната инвазија на Балканот во 14-15 век.

Информации за градот за време на владеењето на Отоманското Царство има малку, но тој бил во центарот на казата под името Ортаќој во Едренскиот вилает. Голем дел од бугарското население се преселило од регионот поради организираните грабежи и меѓусебните војни во империјата.

И покрај ослободувањето на Бугарија во 1878 година и обединувањето во 1886 година, градот останал дел од Отоманското Царство до Првата балканска војна во 1912-1913, кога претрпел многу напади од страна на башибозукот.^[2]

Историски знаменитости[уреди | уреди извор]

Љутица, тврдина во околината на градот
Вила Армира, античка римска вила во околината на градот
Л’джански манастир

Редовни настани[уреди | уреди извор]

Празник на градот и празник на Св. Трифун Зарезан - се одржува на 14 февруари (стар стил)
Собир на Илиева нива - се одржува во првата сабота на месец јуни и тој претставува комеморативен собир во спомен на децата убиени во регионот за време на Балканските војни од башибозукот.