Есбјерг

Есбјерг
Есбјерг
	Главниот плоштад во Есбјерг
	ЕсбјергМестоположба во Данска
	Координати: 55°29′N 8°27′E / 55.483° СГШ; 8.450° ИГД
Управа
• Градоначалник	Џони Сетруп
Површина
• Вкупна	15 км2 (6 ми2)
Население (2012)
• Вкупно	71,579
Часовен појас	CET (UTC+1)
• Лете (ЛСВ)	CEST (UTC+2)
Мреж. место	www.esbjerg.dk

Есбјерг (дан. Esbjerg) е петтиот град по големина во Данска и најголем град во југозападниот дел на земјата. Градот се наоѓа во кругот на покрајната Јужна Данска, каде со околнитe населени места претставува една од општините, Општина Есбјерг. Денес градот Есбјерг има 71.579 жители (од 1 јануари 2012)^[1]. Во Есберг најважно е градското пристаниште на западниот брег на Јитланд.

Природни услови[уреди | уреди извор]

Есбјерг се наоѓа во северниот дел на Данска. Од главниот град Копенхаген, градот Есбјерг е оддалечен околу 300 километри западно.

Релјеф: Есбјерг се наоѓа во југозападниот дел на данскиот полуостров Јитланд. Градското подрачје е претежно рамничарско. Надморската височина на средиштето на градот се движи измеѓу 0 и 20 метри.

Клима: Климата во Есбјерг е претежно умерено-континентална под влијание на Атлантикот и топлата Голфска струја.

Води: Градот се формирал на заливот Вада, кој е дел од Северното Море. Градот е стратегиски поставен како најпловно пристаниште на западот од земјата.

Историја[уреди | уреди извор]

Подрачјето на Есбјерг било населено уште во времето на праисторијата. Современото градско населено место плански е основано во текот на 1868 година како замена за пристаништето Алтон (денес дел од Хамбург), која тогашната Данска го загубила во битката со Прусија. Населеното место своите градски права ги добило во 1899 година. И покрај петгодишната окупација на Данска (1940-1945) од страна на Третиот Рајх, градот и неговото население, не претрпеле сериозни страдања.