Бад Дибен (германски: Bad Düben) — град во округот Северна Саксонија, во сојузната покраина Саксонија, Германија. Се наоѓа во јужниот дел на природниот парк парк Дибенер Хајде, помеѓу реките Елба и Мулде, која тече низ центарот на градот.
Историјата на Бад Дибен се враќа најмалку 1000 години и води потекло до словенскиот замок Dibni, кој првпат бил документиран во 981 година. Утврдувањата околу замокот со време довеле до формирање на град на Мулде. Градот бил место на неколку историски настани, вклучувајќи ја и битката во 1450 година во феудот помеѓу Фридрих и Вилхелм фон Тирингија, во која стариот замок бил целосно уништен. Легендарниот спор помеѓу Ханс Колхазе и Гинтер фон Цашниц бил решен во судот, основан во градот во 1533 година.
Во 1631 година, во текот на Триесетгодишната војна, Густав Адолф Втори и Јохан Георг од Саксонија се сретнале во градот да склопат сојуз против Фердинанд Втори.
