Аника Линде

Герда Аника Линде (родена на 26 февруари 1948 година) — шведски лекар, вирусолог и пензиониран државен службеник. Од 2005 до 2013 година служела како државен епидемиолог во Шведскиот институт за контрола на заразни болести.

Животопис

Линде е родена во Скавде и пораснала таму. Таа била инспирирана од романот „ Егзодус“ од Леон Урис за да студира медицина. Линде се запишала на Универзитетот во Гетеборг во 1968 година, студирајќи медицина и социологија, стекнувајќи се со медицинска диплома во 1974 година. По стажирањето во болницата Дандерид, таа продолжила да работи како специјалист за инфективни болести во моментално непостоечката болница Рослагстул во Стокхолм. Во 1979 година започнала да работи на вирусолошкиот оддел во Шведската национална бактериолошка лабораторија, а докторирала клиничка вирусологија во 1987 година Во 1993 година станала шеф на шведскиот центар за грип на СЗО и започнала да работи за Одделот за вирусологија на Шведскиот институт за контрола на заразни болести, каде што во 2002 година станала шеф на одделот. Во 2005 година станала шеф на Одделот за епидемиологија и истата година била назначена за државен епидемиолог. Таа служела во оваа улога сè до нејзиното пензионирање во 2013 година.

Истражувањето на Линд е главно насочено кон прилагодување на основните резултати од истражувањата кон нивна клиничка апликација. Таа ја истражувала реакцијата на човечкото тело на различни видови вируси и правела евалуација на дијагностичките методи. Најпрво се фокусирала на херпес вирусите, но на крајот својата работа ја насочила претежно на вируси на грип и респираторни органи. Таа има објавено повеќе од 200 рецензирани научни трудови.