Џуна Барнс

Џуна Барнс
Џуна Барнс
	Џуна Барнс ц. 1921
Роден/а	12 јуни 1892; Њујорк
Починат/а	јуни 18, 1982 (возр. 90); Њујорк
Занимање	Романописец, поет, новинар, уметник
Книжевно движење	Модернизам
Значајни дела	Ladies Almanack (1928); Nightwood (1936)

Џуна Барнс (12 јуни 1892 - 18 јуни 1982) била американскa писателка која имала улога во развојот на модернистичкото пишување на англиски јазик во 20 век и била една од клучните фигури во 1920-тиот и 30-тиот бохемски Париз по пополнувањето на слична улога во Гринич Вилиџ. Нејзиниот роман Nightwood стана култно дело на модерната фантастика. Тој се издвојува денес поради лезбејските теми и специфичниот стил на пишување. Романот се одликува со портрет на Барнс во ликот на Нора Флуд, додека љубовникот на Нора, Робин Воут е заснован на Телма Вуд и бароницата Елса фон Фрејтаг-Лорингховен.^[1] По смртта на Барнс, интересот за нејзината работа се зголеми и многу од нејзините книги се вратиле во печат.

По пристигнувањето во канцеларијата на Brooklyn Daily Eagle, Барнс прогласила: "Јас можам да цртам и да пишувам, вие би биле будала да не ме вработите", зборови кои подоцна биле напишани во Музејот на Бруклин.^[2] Во текот на следните неколку години нејзината работа се појавила во речиси секој весник во Њујорк; таа пишувала интервјуа, статии, театарски осврти, и за разновидни вести, често илустрирајќи ги со сопствените цртежи.^[3]

Барнс влијаела на различни писатели како што се Труман Капоти, Анаис Нин, Карен Бликсен, Џон Хокс, Берта Харис, и Вилијам Гојен. Писателката Берта Харис ја опиша нејзината работа како "практично единствениот достапен израз на лезбејската култура што ја имаме во современиот западен свет од времето на Сафо."