Џуна

Од Википедија — слободната енциклопедија
1996

Џуна (вистинско име Евгенја Јувашевна Давиташвили или скратено Џуна Давиташвили; руски: Евгения Ювашевна Давиташвили - Джуна), руски медиум и исцелител од асирско потекло, родена на 22 јуни 1949 во Кубањ, во селото Урмија во Краснодарскиот крај во Советскиот Сојуз.

Живот и дело[уреди | уреди извор]

Семејството на Џуна потекнува од Иран, а во Русија тие живееле близу езерото Урмија. Нејзиниот татко починал кога таа имала 11 години, а нејзината мајка една година подоцна. Во Тбилиси, Грузија, Според некои извори Џуна била обучена за кинооператорка, но никогаш не работела според својата професија.[1] Според други извори завршила медицински факултет и била распределена во Тбилиси каде се запознава со својот иден сопруг.[2] Откако ги открила своите натприродни способности со текот на годините почнала да ги користи за лекување на луѓето и на животните.

Во почетокот на осумдесеттите години на XX век, нејзиниот третмани со раце ќе стане светски позната. После неколку години таа се преселила во Москва, каде што таа учествувала во многу научни експерименти.

Почеток на славата[уреди | уреди извор]

Во почетокот на 80-тите години од минатиот век од Москва низ целиот свет се прошири приказната за темнокосата чудотворка - таинствената исцелителка која со свои раце и со натприродна моќ ги лекува најтешките болни. Иако тогашниот Советски Сојуз не ја заговарал популаризацијата на алтернативната медицина, се зборувало дека тешко болниот водач Леонид Брежнев оди кај 30-годишна жена на третмани кои му го продолжиле животот.[3][4]

Евгенија Давиташвили, по смртта на Брежнев се прочула како една од најбогатите личности во СССР.[4]

Во почетокот на 1990-тите години таа патува во САД, Италија и во останатиот дел на Западна Европа. Во 1994 година прима високото одликување од претседателот на Русија Борис Елцин. Се сретнала и со папата Јован Павле II.[4]

Таа вели дека нејзин пациент бил и Борис Елцин.[4]

По смртта на нејзиниот син во 2001 година, потполно се повлекува од јавност.[4][5]

Починала во Москва на 8 Јуни 2015 на 65 годишна возраст.

Надворешни врски[уреди | уреди извор]

Литература[уреди | уреди извор]

  1. „архивски примерок“. Архивирано од изворникот 2007-05-21. Посетено на 2007-05-21.
  2. http://www.peoples.ru/medicine/psychology/juna/history.html
  3. „Even Russia Turns Up A Faith Healer“. The Milwaukee Journal. April 24, 1982. Архивирано од изворникот на 2016-04-29. Посетено на 27 January 2010.
  4. 4,0 4,1 4,2 4,3 4,4 „ЗАБОРАВЕНАТА ВЕШТЕРКА ЏУНА“. Глобус. 12 февруари 2008. Архивирано од изворникот на 2011-09-29. Посетено на 22 мај 2010.
  5. http://www.aif.ru/article/print/article_id/20408