Јан Мајен

Јан Мајен Jan Mayen  (норвешки)
Местоположба на Оланд
Главен град		- 70°59′N 08°32′E
Најголем град		Олонкинбиен
Службен јазик		норвешки
Површина
•	Вкупна	377 км2 (нерангирана)
Население
•	проценка за  г.	25-35

Јан Мајен (норвешки: Jan Mayen) е вулкански остров во северниот дел на Атлантскиот Океан и административно му припаѓа на кралството Норвешка.

Географски одлики

Островот се наоѓа на околу 600 км северно од Исланд, 500 км источно од Гренланд и на околу 1000 км западно од Норвешка. Составен е од два дела, Северен Јан (Nord-Jan) и Јужен Јан (Sør-Jan).

Морето што го окружува во голема мера влијае на временските прилики, па просечната зимска температура е -5 °C, а летната просечна температура изнесува 5 °C. Животинскиот свет е многу сиромашен и главно го сочинуваат птици, а од растителниот свет најмногу се распространети мововите.

Според истражувањата на геолозите во морските длабочини околу островот има значителни резерви на нафта и природен гас.

Население

Пред да биде откриен во 16. век, островот бил ненаселен. Денес Јан Мајен има околу 30-тина жители кои не живеат постојано, туку се дел од персоналот на метеоролошката станица или од воената база.

Местоположба на Јан Мајен во однос на Норвешка

Администрација

Од историски аспект, како дел од Норвешка, Јан Мајен претставувал една политичка целина заедно со Свалбард. Денес, за разлика од Свалбард, овој остров нема посебен статус, поради што нема влада или друг вид политички институции што би биле посебни од норвешките. Островот е дел од норвешкиот округ Нурлан.

Политичка поделба

Норвешка е поделена на повеќе области или окрузи (fylke). До 1 јануари 1995 г. со островот управувал гувернерот на Свалбард. По овој датум Јан Мајен административно станал дел од округот Нурлан и со него управува гувернерот (fylkesmann) на Нурлан.

Надворешни врски

• Официјална интернет презентација на островот (норвешки и англиски јазик) Архивирано на 22 јули 2011 г.