Timesand
| Timesand | |
|---|---|
 Во живо на Скопско лизгалиште 2004 | |
| Животописни податоци | |
| Потекло | Скопје/Куманово, Македонија |
| Жанрови | Прогресив/хеви метал |
| Период на активност | 2003-сѐ уште |
| Издавачи | Демо бенд |
| Мреж. место | www.timesand.net |
| Членови | |
| Балтик Божо Ице Дојчин | |
| Поранешни членови | |
| Гиго (2003-2004) Васко (2003-2004) | |
Timesand (се чита: Тајмсенд изведено од The Sands of Time) е прогресив/хеви метал музичка група од Македонија формирана во 2003 година.
Музиката може да се опише како премин помеѓу мелодичен хеви и прогресив метал (со прогресив и мелодичен дет металски гитарски рифови и структури во поновите песни и доминантна хармонија).
Текстовите се на англиски јазик и претежно се со тематика на живот, форми и облици на човековиот карактер, внатрешни војни и чувства.
Животопис[уреди | уреди извор]
Бендот започна како мелодичен хеви метал бенд при крајот на 2002 година. Пред конечниот состав, бендот претрпе неколку измени со членовите и песнита, за Божо, Балтик, Ице и Гиго да го дефинираат идниот звук на бендот. Неколку месеци подоцна, Васко се придружува на бендот за да го комплетира составот.
Бендот започна со интензивни настапи на концерти и фестивали по државата и издаде демо ЦД Diary of Hate на почетокот на 2003 година. Дискот претежно беше самостојно дистрибуиран и со мала помош од страна на Terror Blast Distro. За брзо време дискот беше распродаден низ Македонија и исто така беше пратен на странски веб-магазини за критика. Diary Of Hate доби добри и позитивни критики од доста мрежни места и фанзини од странските и поранешните југословенски држави и вебзини како што се Metal Observer Webzine[1], Metal Maniacs Webzine[2], Silent Scream Zine[3], Butcherian Vibe Webine[4], единствената забелешка беше за не толку добриот квалитет на снименото ЦД.
Бендот доби лојални обожаватели уште од почетокот, презентираќи тотално различен метал стил не толку присутен на македонската сцена.
Поради проблеми со промовирање на дискот и присуствување на проби и концерти, Васко го напушта бендот помеѓу концертите во 2004. Бендот одржа 2-3 концерти без басист, пред да се приклучат уште два басисти кои исто така го напуштија бендот пред да воопшто настапат на сцена, поради други ангажмани со бендови или факултет.
Еден од поважните настапи е како предргупа за полскиот дет метал бенд Vader во Скопје 2004 година.
Бендот настапи на уште три концерти и одлучи дека треба да се прекине со свирење и да се започне со спремање на нов материјал и воедно да се најде постојан басист.
Компониран е доволно материјал за прв албум кој ќе го заокружи стариот материјал и се планира да се издаде кон крајот на 2010 година.
Изданија[уреди | уреди извор]
| Наслов | Издадено |
|---|---|
| Diary Of Hate (Демо) | Март, 2003 |
Diary Of Hate - Демо 2003[уреди | уреди извор]
Песни
- "Diary Of Hate" - 4:39
- "Towards The Absolute" - 4:05
- "Pale Eternity" - 4:46
- "Savage Tears" - 4:08
Членови на албумот
- Балтик - Вокал / Божо - Гитари / Ице - Гитари / Васко - Бас / Гиго - Тапани
Членови[уреди | уреди извор]
Моментални членови[уреди | уреди извор]
- Балтик - Вокал (2003-)
- Божо - Гитари (2003-)
- Ице - Гитари (2003-)
- Дојчин - Тапани (2004-)
Поранешни членови[уреди | уреди извор]
- Гиго - Тапани (2003-2004)
- Васко - Бас (2003-2004)
Белешки[уреди | уреди извор]
- ↑ „Metal Observer Webzine - Review of Diary Of Hate“. Metal Observer. Архивирано од изворникот на 2008-03-02. Посетено на 2008-02-12.
- ↑ „Metal Maniacs Webzine- Review of Diary Of Hate“. Metal Maniacs Webzine. Архивирано од изворникот на 2004-09-21. Посетено на 2008-02-12.
- ↑ „Silent Scream Zine - Review of Diary Of Hate“. Silent Scream Webzine. Архивирано од изворникот на 2004-08-27. Посетено на 2008-02-13.
- ↑ „Butcherian Vibe - Review of Diary Of Hate“. Butcherian Vibe.[мртва врска]
Надворешни врски[уреди | уреди извор]
- Официјално мрежно место Архивирано на 19 ноември 2008 г.