The Girl Downstairs
 Плакатот на кинеската анимирана серија, вклучувајќи ја Ли Шија | |
| Автор | Мин Сонга |
|---|---|
| Жанр | романтика |
| Објавена | 17 јули 2019 — 13 јули 2022 (манхва) 20 април 2023 г. (кинеска анимирана серија) |
| Издавач | Naver Webtoon (Кореја) Line Webtoon (на англиски) Bilibili (кинеска анимирана серија) |
The Girl Downstairs (македонски: Девојката од приземјето; корејски: 이두나!; кинески: 爱上她的理由, дословно: Причини да се вљубиш во неа) — јужнокорејска манхва објавена како вебтун, напишана и илустрирана од Мин Сонга. Се објавувала преку платформата Naver Webtoon на Naver Corporation од јули 2019 г. до јули 2022 г., а поединечните поглавја биле собрани и објавени во 5 тома. Манхвата е објавена и на англиски јазик од Line Webtoon. Кинеска анимирана серија премиерно била прикажана на Bilibili на 20 април 2023 г.[1] Исто така, играна адаптација премиерно се појавила на Netflix на 20 октомври 2023 г.[2]
Содржина
[уреди | уреди извор]Бруцошот Јуан Џјунтанг се запишува на Универзитетот Минсонг со надеж дека ќе ѝ се приближи на Џу Џу, девојка во која одамна е вљубен. Таму ја запознава Ли Шија, поранешна ѕвезда на музичката група Dream Sweet, која земала пауза од студиите. Таа прва му приоѓа на Џјунтанг и наскоро стануваат пријатели, заедно со Џу Џу образувајќи пријателско трио.
Иако Џу Џу е свесна за чувствата на Џјунтанг кон неа, нема храброст да ги прифати и се обидува да одржи одредено растојание. Во меѓувреме, Џјунтанг и Ли Шија стануваат сѐ поблиски, нивната врска почнува да добива романтичен облик. На една забава, Џјунтанг ја запознава Цуи Руони, и по заедничка интимна игра, меѓу нив се појавуваат симпатии. Наскоро, Цуи Руони станува цимерка на Ли Шија и се вљубува во Џјунтанг.
Џјунтанг се наоѓа заробен во емоционален виор меѓу трите девојки. Сите тие, иако имаат различни чувства кон него, се борат со своите емоции и се обидуваат да донесат конечна одлука додека уживаат во студентскиот живот и младоста.
На една средба со пријателите, Ли Шија и Џјунтанг се оддалечуваат од масата и се бакнуваат покрај улицата — сцена што ја забележува Џу Џу. Охрабрена од тоа, таа конечно му ја признава љубовта на Џјунтанг. Соочен со девојката што долго ја сакал во тајност, тој доживува силна внатрешна борба. Но по искрен разговор со Џу Џу, сепак решава да остане со Ли Шија и тие се венчаат.
Во кинеската верзија, Џјунтанг и Шија се венчаат, а во изворната корејска манхва раскинуваат и Џјунтанг е во врска со Џу Џу.
Наводи
[уреди | уреди извор]- ↑ Kim, Kyung-yoon (20 април 2023). 네이버웹툰 '이두나!' 애니메이션으로 제작…中빌리빌리서 공개. Yonhap News Agency.
- ↑ Kim, Ji-won (January 17, 2023). '더글로리' 파트2→'D.P.' 시즌2…넷플릭스, 올해 한국 작품 28편 공개. Ten Asia (корејски). Посетено на 17 јануари 2023 – преку Naver.