Texas (група)

Од Википедија — слободната енциклопедија
Texas
Texas на настап во Осло, 2018 година
Животописни податоци
ПотеклоГлазгов, Шкотска
Жанрови
Период на активност1986–денес
Издавачи
Мреж. местоtexas.uk.com

Texas ― шкотска рок група основана во 1986 година во Глазгов. Основачи на групата биле Џони Мекелхон (поранешен член на групите Altered Images и Hipsway) и Шарлин Спитери како прв вокал. Своето име го зеле од филмот Париз, Тексас од Вим Вендерс од 1984 година.

Во 1989 групата го објавила својот прв албум Southside, заедно со песната „I Don't Want a Lover“, која се пласирала во топ 10 на UK Singles Chart и на топ листите во многу други европски земји. Southside дебитирал на трето место на топ-листата за албуми во Обединетото Кралство и на 88-мо место на топ-листата за албуми Билборд 200 во САД и бил продаден во над два милиони примероци ширум светот.[1] И покрај успехот на Southside, следените албуми Mothers Heaven (1991) и Ricks Road (1993) биле понеуспешни во Велика Британија и САД, но имале умерен успех во неколку земји од Европа.

Се истакнале и стекнале поголема популарност по објавувањето на нивниот албум White on Blonde, кој стигнал до прво место на топ-листата за албуми во Велика Британија и станал нивен најпродаван албум. Досега, има шесткратен платинест тираж во Обединетото Кралство.[2] Следниот албум The Hush (1999) исто така бил успешен, се искачил на прво место на топ-листата за албуми во Обединетото Кралство и има трикратен платинест тираж. Албумот „Најголемите хитови“, издаден во 2000 година, исто така имал голем комерцијален успех, повторно се искачил на врвот на топ-листата за албуми во Обединетото Кралство и имал шесткратен платинест тираж. Тексас издал уште два студиски албума, Careful What You Wish For во 2003 година и Red Book во 2005 година, и двата со златен тираж во Обединетото Кралство. По објавувањето на Red Book и турнејата која следела за поддршка на издавањето на албумот, Тексас заминал на пауза. Пејачката Шарлин Спитери започнала соло кариера, и во 2008 година го објавила нејзиниот прв солистички албум, Мелоди.

Заклучно со 2017 година, Тексас продал 40 милиони музички записи ширум светот,[3] тринаесет нивни песни се пласирале во топ-десет на UK Singles Chart, имале три албуми на прво место и осум во топ-десет на топ-листата за албуми во Обединетото Кралство. Нивниот деветти студиски албум, Jump on Board, објавен во мај 2017 година, се искачил во првите десет на топ листата за албуми во Белгија и Франција,[4] а нивниот десетти студиски албум, Hi, објавен во мај 2021 година, станал нивен највисоко пласиран албум во Обединетото Кралство по The Hush од 1999 година. Дебитирал на трето место на официјалната листа за албуми во Обединетото Кралство и на прво место на листата за независни албуми во Обединетото Кралство; дебитирал на прво место во нивната родна Шкотска.[5]

Членови[уреди | уреди извор]

Сегашни членови

  • Шарлин Спитери – главен вокал, гитара, клавијатури (1988-денес)
  • Џони Мекелхон – бас, гитара, клавијатури (1988-денес)
  • Еди Кембел - клавијатури (1991-денес)
  • Тони Мекговерн – гитара, придружен вокал (1999–денес)
  • Кет Мајерс – тапани (2021–сега)

Поранешни членови

  • Стјуарт Кер – тапани, придружни вокали (1989–1991)
  • Ричард Хајнд – тапани (1991–1999)
  • Мајк Вилсон – тапани (1999–2001) [6]
  • Стив Вашингтон – тапани (2001–2003)
  • Нил Пејн – тапани (2003–2006)
  • Мајкл Банистер – клавијатури (2005–2019)
  • Рос Мекфарлејн – тапани (2011–2019)
  • Али Мекерлејн - гитара (1988-2022)

Дискографија[уреди | уреди извор]

  • Southside (1989)
  • Mothers Heaven (1991)
  • Ricks Road (1993)
  • White on Blonde (1997)
  • The Hush (1999)
  • Careful What You Wish For (2003)
  • Red Book (2005)
  • The Conversation (2013)
  • Jump on Board (2017)
  • Hi (2021)

Наводи[уреди | уреди извор]

  1. „ShieldSquare Captcha“. Songfacts.com. Посетено на 23 October 2021.
  2. [1] Архивирано на 24 септември 2009 г.
  3. „ALBUM BIO: TEXAS – JUMP ON BOARD [LIBERATOR MUSIC/BMG] (OUT FRIDAY 21 APRIL 2017)“. Mushroompromotions.com. 31 March 2017. Архивирано од изворникот на 8 April 2017. Посетено на 7 April 2017.
  4. „TEXAS - full Official Chart History - Official Charts Company“. Officialcharts.com. Посетено на 2 April 2018.
  5. „TEXAS | full Official Chart History | Official Charts Company“. Officialcharts.com. Посетено на 23 October 2021.
  6. Alcaraz, Delphine Gayon & Bruno. „Texas on Line - The Myke's Page“. Balcar.free.fr. Посетено на 2 April 2018.

Надворешни врски[уреди | уреди извор]