Terraria
| Terraria | |
|---|---|
 | |
| Изработувач | Re-Logic[б 1] |
| Издавач | 505 Games[б 2] |
| Продуцент | Витни Спинкс |
| Дизајнер |
|
| Програмер |
|
| Уметник |
|
| Композитор | Скот Лојд Шели |
| Погон | Microsoft XNA |
| Последна верзија | 1.4.5 Bigger & Boulder (27 јануари 2026) |
| Подлоги | |
| Датум(и) | 16 мај 2011
|
| Жанр | акциона авантура, песочник |
| Режим | едноиграчки, повеќеиграчки |
| Носител(и) | оптички диск, дигитална распределба, DVD, Blu-ray и Nintendo Switch |
| Управување | тастатура, глувче, контролер, допирен екран и џоистик |
Terraria[б 3] — акционо-авантуристичка игра од типот песочник, развиена од американското студио Re-Logic. Била објавена во 2011 г. за сметачи со Microsoft Windows преку системот за дигитална распределба Steam. По објавувањето, Terraria била портирана на други оперативни системи за лични сметачи и мобилни уреди, како и на играчки конзоли. Компанијата Codeglue ја издала играта за мобилни уреди, додека 505 Games, Spike Chunsoft и Pipeworks Software ја издале за конзоли. Студиото Spike Chunsoft ја локализирало играта во Јапонија, а Headup Games во Германија.
Играта, развиена со користење на алатките Microsoft XNA, на играчот му дава процедурно генериран и променлив двомерен свет. Покрај собирањето ресурси и изградбата на објекти, во играчкиот процес на Terraria големо внимание се посветува и на истражувањето на светот, потрагата по богатства и борбите со непријателите.
Terraria добила многубројни потврдни оцени од играчкиот печат. Критичарите ја пофалиле можноста за повторно играње, големиот број предмети и суштества, што го прави истражувањето на светот уште поинтересно. Освен тоа, тие ја пофалиле двомерната графика, слична на видеоигрите од епохата на 16-битната конзола SNES, како и музиката во чиптјун-стил. Играчките списанија честопати го споредувале играчкиот процес на Terraria со Minecraft. Terraria постигнала огромен трговски успех: заклучно со 2024 г., на сите платформи се продадени над 58 милиони примероци. Во 2013 г., Ендру Спинкс изјавил дека планира да објави продолжение — Terraria 2. Во 2015 г., Re-Logic го најавиле спиноф-проектот Terraria: Otherworld, но во 2018 г. играта била откажана.
Оценки и одзиви
[уреди | уреди извор]Terraria добила општо потврдни одзиви од критичарите: на веб-страницата Metacritic, играта има просечна оценка 83/100, заснована на 29 рецензии. Рецензентот од Destructoid ја пофалил играта за нејзината „интензивна длабочина“.[8] Многумина ја опишале играта како 2D-верзија на Minecraft.[9] GameZone на играта ѝ доделил 9 од 10 бода.[10]
Белешки
[уреди | уреди извор]- ↑ Портирана на мобилни и конзолни платформи од страна на DR Studios.[1] Мобилната верзија претходно била развивана од Codeglue.[2] Верзијата за конзоли претходно била развивана од Pipeworks Studios и Engine Software.[3][4]
- ↑ Верзиите за компјутер се самостојно објавени од Re-Logic; малопродажната верзија за Windows во Европа била објавена од Headup Games.[5] Јапонската верзија е објавена од Spike Chunsoft.[6]
- ↑ мн. од Terrarium — терариум[7]
Наводи
[уреди | уреди извор]- ↑ Carpenter, Nicole (November 15, 2023). „Kongregate, Digital Bros. Cut Jobs in a Growing Wave of Video Game Industry Layoffs“. Polygon. Архивирано од изворникот на December 2, 2023. Посетено на March 12, 2026.
- ↑ "Terraria". Codeglue.
- ↑ Purchese, Robert (2012). "Terraria release date announced for PS3 and Xbox 360". Eurogamer.
- ↑ "Terraria". Pipeworks Studios.
- ↑ Hillier, Brenna (November 7, 2011). „Terraria and Binding of Isaac to See Physical Release in Europe“. VG247. Посетено на March 12, 2026.
- ↑ Gifford, Kevin (2013). "Terraria coming to PS3 in Japan". Polygon.
- ↑ „Terraria во Викиречник“. Архивирано од изворникот 2025-01-14. Посетено на 2025-03-12.
- ↑ Devore, Jordan (25 мај 2011). „Impressions: Terraria“. Destructoid. Посетено на 28 мај 2011.
- ↑ Castelli, Stefano (23 мај 2011). „Un tris di mini-recensioni“. Videogame.it. Посетено на 28 мај 2011.
- ↑ Sanchez, David. „Terraria Review | Review | Terraria | GameZone“. GameZone. Архивирано од изворникот на 2011-09-27. Посетено на 2012-04-07.