Team Fortress 2
| Team Fortress 2 | |
|---|---|
 | |
| Изработувач(и) | Valve |
| Издавач(и) | Valve |
| Дизајнер(и) |
|
| Композитор(и) | Мајк Мораски |
| Погон | Source |
| Подлоги | |
| Датум на издавање | 10 октомври 2007
|
| Жанр(ови) | пукачка игра од прво лице |
| Режим(и) | едноиграчки, повеќеиграчки |
Team Fortress 2 (скратено TF2) — повеќеиграчка пукачка игра од прво лице, развиена и првпат објавена од компанијата Valve Corporation во 2007 г., како дел од компилацијата The Orange Box за Windows и Xbox 360. Подоцна истата година, играта била објавена и за PlayStation 3, а самостојна верзија за Windows била објавена во 2008 г. На територијата на ЗНД, играта била издадена од компанијата „Бука“ како дел од The Orange Box, како и како независен софтверски производ (посебен DVD-диск).
Играта, која служи како „продолжение“ на модификацијата Team Fortress за Quake и на нејзината преработка Team Fortress Classic за Half-Life, била најавена во 1998 г. Меѓутоа, замислата и дизајнот на проектот значително се промениле во текот на следните девет години развој. Во 1999 г., се чинело дека играчкиот процес на играта отстапува од идеите на претходните проекти кон поголем реализам и милитаризам, но замислата била променета. Конечната верзија на Team Fortress 2 е многу блиска до изворните модификации Team Fortress и Team Fortress Classic, но се разликува од нив по својот визуелен стил, кој е направен во цртан, карикатурен стил со користење на анимација на лицето, заснована на делата на уметниците од почетокот на дваесеттиот век, како што се Џ. К. Леендекер, Дин Корнвел и Норман Роквел, следејќи го популарниот тренд на неодамнешните филмови, особено оние создадени од Pixar/Disney, како на пример филмот Неверојатните.
Играчки процес
[уреди | уреди извор]Во повеќето режими на игра, две екипи, Црвените и Сините, се натпреваруваат за да постигнат одредена цел заснована на борба. Играчите можат да изберат да играат како една од деветте класи на ликови во овие екипи, секоја со своите исклучителни предности, слабости и сетови оружја (дополнително оружје може да се добие како бесплатни предмети). За да се постигнат целите ефикасно, потребна е рамнотежа на овие класи поради начинот на кој нивните силни и слаби страни си општат во екипно опкружување. Иако способностите на голем број класи се променети од претходните верзии на Team Fortress, основните елементи на секоја класа останале исти: едно главно оружје, едно вторично оружје и едно оружје за борба одблиску.
Играта била објавена со шест официјални карти, иако оттогаш, повеќе од стотина карти се вклучени во последователните ажурирања, вклучувајќи и карти создадени од заедницата. Кога играчот за првпат ќе избере режим на игра, се пушта воведно видео што покажува како да се исполнат неговите цели. За време на натпреварите, „Администраторот“, со гласот на Елен Маклејн, ги најавува тековните цели на екипите преку звучници. Лимитот за играчи за еден натпревар е 16 на Xbox 360 и PlayStation 3, и 24 на изданието за Windows. Меѓутоа, во 2008 г., изданието за Windows било ажурирано за да се овозможи до 32 играчи на опслужувач. Понатаму, во 2023 г., изданието за Windows било ажурирано за да има неограничен број играчи, до 100 играчи на еден опслужувач.[1]
Team Fortress 2 е првата повеќеиграчка игра на Valve што обезбедува подробна статистика за индивидуалните играчи, како што се вкупното време поминато во игра како секоја класа, најмногу освоени бодови и најмногу постигнати цели во еден живот. Постојаните статистики му покажуваат на играчот како се претставува во однос на овие статистики, на пример, дали играчот се приближува до својот рекорд за нанесена штета во една рунда. Team Fortress 2 исто така има бројни достигнувања за извршување на одредени задачи, како што е постигнување одреден број убиства или завршување одредена цел. Сетови на достигнувања конкретни за класите се додадени во ажурирањата, кои можат да го наградат играчот со оружје по завршувањето. Овој систем на отклучување оттогаш е проширен во систем на случајно испаѓање на предмети, со кој играчите исто така можат да добијат предмети едноставно со играње на играта.[2]
Наводи
[уреди | уреди извор]- ↑ „Team Fortress 2“. www.teamfortress.com. Посетено на 2023-08-21.
- ↑ Francis, Tom (22 јануари 2008). „Team Fortress 2 Gets Unlockable Weapons“. PC Gamer UK. Computer and Video Games. Архивирано од изворникот на 24 јануари 2008. Посетено на 2 март 2008.
Надворешни врски
[уреди | уреди извор] |
„Team Fortress 2“ на Ризницата ? |