Selenicereus undatus

Selenicereus undatus, беломесеста питаја, е вид од родот Selenicereus (поранешен Hylocereus ) од фамилијата Cactaceae и е најкултивиран вид во родот. Се користи и како украсна лоза и како овошна култура - питаја или змејско овошје.

Како и сите вистински кактуси, родот потекнува од Америка, а S. undatus потекнува од Мексико до Хондурас; и е можеби хибрид . Најчесто се припишува на островот Мартиник во Западните Индии.

Опис

Црвената питаја на пазарот Чијаи, Тајван

Цветови во Рим

Растение

Стеблата на змејовото овошје се скандентни (навика за качување), ползечки, растечки или качувачки и обилно се разгрануваат. Може да има четири до седум од нив, помеѓу 5 до 10 метри или подолги, со зглобови од 30 до 120 см или подолги, и 10 до 12 см дебели; со генерално три ребра; маргините се назабени и со возраста брановидни.

Ареолите, односно малите површини кои носат боцки или влакна на кактусот, се широки 2 мм со меѓу јазли од 1 до 4 см. Боцките на возрасните гранки се долги од 1 до 4 мм, се игличести до речиси конусни, и се сиво-кафеави до црни по боја и се шират со темно зелен епидермис.

• 
  Сегмент
• 
  Растение

Цветови

Миризливите, ноќни цветови се долги од 25 до 30 см, широки од 15 до 17 см со хипантиум долг од 2,5 до 5 см, дебел околу 2,5 см, брактеолите(прицветници) се овални, заострени, долги од 2,5 до помалку од 4 см; рецептакулум дебел околу 3 см, прицветниците се линеарно-ланцетни, долги од 3 до 8 см; надворешните тепали (венечни ливчиња) се ланцетно-линеарни до линеарни, акуминатни (се стеснуваат кон врвот), долги од 10 до 15 см, широки од 10 до 15 мм и мукронатни (завршуваат со краток остар врв). Нивната боја е зеленикаво-жолта или белузлава, ретко со розова нијанса. Овие надворешни тепали, или чашкини ливчиња, се околу 65 на број и го доведуваат цветот до вкупна ширина до 35 сантиметри. Внатрешните тепали се ланцетни (се стеснуваат кон врвот) до обратноланцетни (т.е. поостри во основата), долги од 10 до 15 см, широки околу 40 мм во најшироката точка, и мукронатни, цели, остри до акуминатни (заострени) и бели.

• 
  Цветна пупка
• 
  Расцутен цвет
• 
  Цветање во Кона, Хаваи .

Прашниците се долги од 5 до 10 см, се свиткани надолу, вметнати во една континуирана зона од грлото до 35 мм над перикарпелот и се кремасти. Столпчето (кое го носи устенцето) е долго од 5 до 24,5 см, дебело од 6 до 8 мм, кремасто и со 26 лобуси на устенцето, тие можат да бидат цели или понекогаш расцепени на врвот, кремасти, долги околу 25 мм. Нектарните комори се долги 30 мм.

Плод

Зрели плодови

Плодот е долгнавест до овален 6-12 см долг, 4-9 цм широк, црвен, со големи прицветници, со бела или поретко розова пулпа и јастиви црни семиња.

Живеалиште

Selenicereus undatus е литофитичен или хемиепифитичен вид. Се одгледува широко низ тропските предели. Тие се искачуваат со употреба на воздушни корени и можат да достигнат висина од 10 метри или повеќе растејќи на камења и дрвја.

Систематика

Овој вид е тесно поврзан со видовите S. ocamponis и S. escuintlensis. Видот бил опишан од (Haw.) Britton & Rose и бил објавен во Flora of Bermuda 256. 1918 година. Во 2017 година, Д.Р. Хант го групирал родот Hylocereus во родот Selenicereus. Ова било поддржано со филогенетска анализа на племето Hylocereeae (Korotkova, et al., 2017), затоа овој вид е систематизиран под името Selenicereus undatus

Таксономијата

Епитетот на видот undatus на латински значи „брановиден“ од unda „бран“, што се однесува на брановидните рабови на ребрата на неговите гранки.

Изданоци на S. undatus со поглед на Ланикаи и На Мокулуа, Оаху, Хаваи .

Поврзано

• Питаја
• Список на кулинарски плодови

Наводи

• Anderson, E. F. (2001). The cactus family. Portland, Oregon, USA: Timber Press. ISBN 0-88192-498-9.

Надворешни врски

• Selenicereus undatus на Ризницата ^?
• Selenicereus undatus на Викивидовите ^?
• Dragon fruit plant grower's tips, greenhouse, flower and more