Resident Evil Village
| Resident Evil Village | |
|---|---|
 | |
| Изработувач | Capcom |
| Издавач | Capcom |
| Режисер | Моримаса Сато |
| Продуцент |
|
| Дизајнер | Исаму Хара |
| Програмер |
|
| Уметник | Томонори Такано |
| Сценарист | Ентони Џонстон |
| Композитор |
|
| Серијал | Resident Evil |
| Погон | RE Engine |
| Подлоги | |
| Датум(и) | 7 мај 2021
|
| Жанр | ужас за преживување |
| Режим | едноиграчки |
Resident Evil Village (македонски: Притаено зло: Село) — игра на ужасите за преживување од 2021 г., развиена и објавена од Capcom. Тоа е продолжение на Resident Evil 7: Biohazard (2017) и десеттиот главен дел од серијалот Resident Evil. Играчите го управуваат Итан Винтерс, кој ја бара својата грабната ќерка во таинствено село исполнето со мутанти. Village ги задржува елементите на преживување на ужасите од претходните игри, при што играчите собираат предмети и управуваат со ресурсите, додека истовремено додава повеќе акциони елементи, со поголем број непријатели и поголем нагласок на борба.
Resident Evil Village била најавена на настанот за претставување на PlayStation 5 во јуни 2020 г. и била објавена за PlayStation 4, PlayStation 5, Stadia, Windows, Xbox One и Xbox Series X/S на 7 мај 2021 г. По ова следела верзија за macOS и облачна верзија за Nintendo Switch во октомври 2022 г., а верзија за PlayStation VR2 била објавена на 22 февруари 2023 г. Верзијата за iOS била објавена на 30 октомври 2023 г.
Resident Evil Village добила во целост потврдни одзиви од критичарите, со пофалби за играчкиот процес, околината и разновидноста, но и критики за загатките, битките со босови и проблемите со производноста на верзијата за Windows; зголемениот акциски нагласок ги поделил мислењата. Играта освоила неколку награди за игра на годината, вклучувајќи ја „Игра на годината“ на Golden Joystick Awards. До ноември 2024 г., таа продала повеќе од 10,5 милиони примероци.[1]
Играчки процес
[уреди | уреди извор]Како и неговиот претходник, Resident Evil 7: Biohazard, Resident Evil Village има гледиште од прво лице, со избор за префрлување на трето лице. Играта е сместена во снежно, пространо европско село, опишано како „право од викторијанската епоха“ и нуди многу поголема и повпечатлива средина од нејзиниот претходник. Структурите и градбите на централното село може да се искачат и да се користат за борба против непријателите. Во споредба со Biohazard, играта има посилен нагласок на акција, при што главниот лик Итан Винтерс добива повеќе борбени способности поради неговата воена обука. Главните непријатели на играта, Ликаните, кои се слични на врколаци, се пргави, разумни и способни да користат оружја и да напаѓаат во глутници, принудувајќи ги играчите да ја преиспитаат својата стратегија — одлучувајќи дали да зачуваат ограничено стреливо, да се вклучат во ракопашна борба или да бегаат. Слично на Resident Evil 4 (2005), импровизирани барикади можат да се користат за одбрана од непријатели.[2]
Содржина
[уреди | уреди извор]Итан Винтерс создава семејство со Мија и се чини дека сѐ е во ред. И тогаш светкавично, Мија е застрелана неколкупати од Крис Редфилд од Амбрела, оставајќи го Итан трауматизиран; кој потоа е нокаутиран од еден од луѓето на Крис. Заглавен среде снегот во задниот дел на срушен камион за придружба, Итан се упатува кон таинствено село, каде што вистинските околности околу она што се случило со Мија почнуваат да го превртуваат светот на Итан наопаку и во нешто полудо од сѐ што можел да сонува.
Наводи
[уреди | уреди извор]- ↑ „Resident Evil 7 Surpasses 14 Million Units Sold, Resident Evil Village Hits 10.5 Million“. GamingBolt (англиски). Посетено на 2024-11-26.
- ↑ Stadnik, Alex (April 17, 2021). „Resident Evil Village: Exclusive Environment Tour“. Game Informer. GameStop. Архивирано од изворникот на April 17, 2021. Посетено на June 28, 2021.